আই পি এলত ৰাইনাৰ পাঁচ হাজাৰ ৰান

ৰয়েল চেলেঞ্জাৰ্ছ বেংগালুৰুৰ বিৰুদ্ধে আই পি এলৰ দ্বাদশ সংস্কৰণৰ প্ৰথমখন মেচত ৫০০০ ৰান সম্পূৰ্ণ সুৰেশ ৰাইনাৰ

স্পৰ্টছ ডেস্ক, ২৩ মাৰ্চঃ আই পি এলৰ দ্বাদশ সংস্কৰণৰ প্ৰথমখন মেচত শনিবাৰে এক অভিলেখ গঢ়িবলৈ সক্ষম হয় বাওঁহাতৰ বেটছমেন সুৰেশ ৰাইনাই । আই পি এলৰ ইতিহাসত ৫০০০ ৰান সম্পূৰ্ণ কৰা প্ৰথমগৰাকী ক্ৰিকেটাৰ হ'ল সুৰেশ ৰাইনা । ৰাইনাই আই পি এলৰ ১৭৭খন মেচৰ ১৭৩ টা ইনিংছত এই কৃতিত্ব অৰ্জন কৰিবলৈ সক্ষম হয় । মেচখনত ৰাইনাই ৰয়েল চেলেঞ্জাৰ্ছ বেংগালুৰুৰ বিৰুদ্ধে 19 ৰান সংগ্ৰহ কৰে । মেচখনত ৭ উইকেট জয় লাভ কৰে বৰ্তমানৰ চেম্পিয়ন দল চেন্নাই চুপাৰ কিংছে ।