স্পৰ্টছ ডেস্ক, 28 এপ্ৰিলঃ আই পি এলৰ দ্বাদশ সংস্কৰণত দেওবাৰে অনুষ্ঠিত হোৱা প্ৰথমখন মেচত জয় লাভ দিল্লী কেপিটেলছৰ ৷ ফিৰোজ শ্বাহ কোটলাত অনুষ্ঠিত হোৱা মেচখনত 16 ৰানত পৰাস্ত হয় ৰয়েল চেলেঞ্জাৰ্ছ বেংগালুৰু ৷ দিল্লীয়ে মেচখনত প্ৰথমে বেটিং কৰি নিৰ্ধাৰিত 20 অভাৰত 5 টা উইকেট হেৰুৱাই 187 ৰান সংগ্ৰহ কৰিবলৈ সক্ষম হৈছিল ৷ দিল্লীৰ হৈ অধিনায়ক শ্ৰেয়াছ আয়াৰে সৰ্বাধিক 52 আৰু শিখৰ ধাৱনে 50 ৰান কৰে ৷ বেংগালুৰু দলটোৰ হৈ যুজৱেন্দ্ৰ চাহালে সৰ্বাধিক দুটা উইকেট দখল কৰে ৷ 188 ৰানৰ লক্ষ্য অতিক্ৰম কৰিবলৈ আহি বেংগালুৰুৱে 7 টা উইকেট হেৰুৱাই কেৱল 171 ৰান সংগ্ৰহ কৰে ৷ দলটোৰ হৈ পাৰ্থিৱ পটেলে 39, কোহলিয়ে 23, এবি ডিভিলিয়াছে 17 ৰান কৰিবলৈ সক্ষম হয় ৷
আৰু পঢ়কঃ অসমীয়া নতুন ছবি "বৰনদী ভটিয়ায়" অহা 3 মে'ত অসমৰ ছবি গৃহত মুক্তি লাভ কৰিব
এই জয়েৰে আই পি এলৰ প্লে অফত কোৱালিফাই কৰা দ্বিতীয়টো দল হ'ল দিল্লী কেপিটেলছ ৷ ইয়াৰ বিপৰীতে ৰয়েল চেলেঞ্জাৰ্ছ বেংগালুৰুৰ প্লে অফৰ পথ প্ৰায় বন্ধ হৈছে ৷
