চিটাৰা ডেস্ক, 6 নৱেম্বৰ: আৰম্ভ হৈছে কৰণ জোহৰৰ জনপ্ৰিয় টক শ্ব’ কফি উইথ কৰণ ছিজন ৮ । এতিয়ালৈকে শ্ব’টোৰ দুটা খণ্ড ষ্ট্ৰীম কৰা হৈছে । একে সময়তে অনুৰাগীসকলে এতিয়া ইয়াৰ তৃতীয় খণ্ডৰ বাবে অপেক্ষা কৰি আছে, যাৰ প্ৰ’ম’ ইতিমধ্যেই প্ৰকাশ পাইছে । কৰণৰ এই শ্ব’টোৰ পৰৱৰ্তী অতিথি হৈছে বলীউডৰ দুগৰাকী সুন্দৰী অৰ্থাৎ ছাৰা আলী খান আৰু অনন্যা পাণ্ডে। পূৰ্বৰ দুয়োটা খণ্ডতেই শ্ব’টোত ডাঙৰ ডাঙৰ গোপনীয়তা প্ৰকাশ পাইছিল । ইফালে শেহতীয়াকৈ প্ৰকাশ পোৱা প্ৰ’ম’টোত ছাৰাই শুভমন গিলৰ এটা গোপন কথা প্ৰকাশ কৰা দেখা গৈছে ।
শুভমন গিলে কাক ডেট কৰি আছে ? প্ৰকাশ কৰিলে ছাৰা আলী খানে
আচলতে কৰণ জোহৰে নিজৰ ইনষ্টাগ্ৰামত শ্ব’টোৰ শেহতীয়া প্ৰ’ম’ পোষ্ট কৰিছে । এই ভিডিঅ’টোত তেওঁক ছাৰা আলী খান আৰু অনন্যা পাণ্ডেৰ সৈতে কথা পতা দেখা গৈছে । একেটা ভিডিঅ’তে কৰণে ছাৰাক সুধি থকা দেখা গৈছে যে আপোনাৰ আৰু শুভমন গিলৰ ডেটিং সম্পৰ্কে বহু উৰাবাতৰি ওলাইছিল, ইয়াৰ উত্তৰত অভিনেত্ৰীগৰাকীয়ে কয় - ছাৰা কা ছাৰা দুনিয়া গলত ছাৰা কে পিছে পড়া হে ৷
উল্লেখ্য যে, কিছুদিন পূৰ্বে ভাৰতীয় ক্ৰিকেটাৰ শুভমন গিল আৰু ছাৰা আলী খানৰ ডেটিঙৰ বাতৰি প্ৰকাশ পাইছিল, তাৰ পিচত শুভমনৰ নাম শচীন তেণ্ডুলকাৰৰ কন্যা ছাৰা টেণ্ডুলকাৰৰ সৈতে জড়িত হৈ পৰিছিল । তাৰ পিছৰে পৰা ছাৰা টেণ্ডুকলাৰক কেইবাবাৰো শুভমনৰ সৈতে গোপনে দেখা গৈছিল । শেহতীয়াকৈ ছাৰা টেণ্ডুলকাৰে আই চি চি বিশ্বকাপৰ এখন মেচতো শুভমন গিলক সমৰ্থন কৰা দেখা গৈছিল । শ্ৰীলংকাৰ বিৰুদ্ধে খেলা মেচখনত ক্ৰিকেটাৰগৰাকীয়ে অৰ্জন কৰা অৰ্ধশতকক ষ্টেণ্ডিং অভেশ্যন দিছিল ছাৰা তেণ্ডুলকাৰে ।
এতিয়া ছাৰা আলী খানৰ এই বক্তব্যৰ পিচত স্পষ্ট হৈ পৰিছে যে শুভমনে ছাৰা আলী খানৰ সৈতে নহয়, ছাৰা টেণ্ডুলকাৰৰ সৈতে ডেট কৰিছে তাৰকা ভাৰতীয় ক্ৰিকেটাৰগৰাকীয়ে ।
লগতে পঢ়ক: ICC World Cup 2023 : শচীন তেণ্ডুলকাৰৰ পৰা প্ৰশংসা পোৱাটোৱে বহু অৰ্থবহন কৰে; বিৰাট কোহলী
