ICC ODI World Cup 2023 : প্ৰকাশ পালে বিশ্বকাপৰ সূচী

ক্ৰিকেট প্ৰেমীয়ে গভীৰ আগ্ৰহেৰে এই দিনটোলৈ ৰৈ আছিল । ৫ অক্টোবৰত বিশ্বকাপৰ প্ৰথমখন খেল আৰু ১৯ নৱেম্বৰত ফাইনেল অনুষ্ঠিত হ'ব । ১৫ অক্টোবৰত ভাৰত আৰু পাকিস্তানৰ মাজত মেচখন খেলা হ'ব ।

স্পৰ্টছ ডেস্ক,২৭ জুন : অৱশেষত প্ৰকাশ পালে পুৰুষৰ এদিনীয়া বিশ্বকাপ ২০২৩ৰ সূচী । আন্তৰ্জাতিক ক্ৰিকেট পৰিষদে ২৭ জুনত এদিনীয়া বিশ্বকাপ ২০২৩ৰ সূচী প্ৰকাশ কৰে । বিশ্বকাপ ৫ অক্টোবৰত আহমেদাবাদৰ নৰেন্দ্ৰ মোডী ষ্টেডিয়ামৰ পৰা আৰম্ভ হ'ব আৰু ফাইনেল ১৯ নৱেম্বৰত অনুষ্ঠিত হ'ব । এইবাৰ বিশ্বকাপ ভাৰতে আয়োজন কৰিব । প্ৰথমখন খেল ইংলেণ্ড আৰু নিউজিলেণ্ডৰ মাজত অনুষ্ঠিত হ'ব । ভাৰতে ৮ অক্টোবৰত অষ্ট্ৰেলিয়াৰ বিৰুদ্ধে প্ৰথমখন খেল খেলিব । পূৰ্বে, ব'ৰ্ডলৈ প্ৰেৰণ কৰা খচৰা অনুসূচীৰ কোনো গুৰুত্বপূৰ্ণ পৰিৱৰ্তন কৰা হোৱা নাই । ইফালে ১৫ অক্টোবৰত ভাৰতীয় দলটোৱে আহমেদাবাদত পাকিস্তানৰ মুখামুখি হ'ব ।

• GET YOUR CALENDARS READY! 🗓️🏆
  
  The ICC Men's @cricketworldcup 2023 schedule is out now ⬇️#CWC23https://t.co/j62Erj3d2c

  — ICC (@ICC) June 27, 2023 " class="align-text-top noRightClick twitterSection" data="

  GET YOUR CALENDARS READY! 🗓️🏆
  
  The ICC Men's @cricketworldcup 2023 schedule is out now ⬇️#CWC23https://t.co/j62Erj3d2c

  — ICC (@ICC) June 27, 2023

  ">

  GET YOUR CALENDARS READY! 🗓️🏆
  
  The ICC Men's @cricketworldcup 2023 schedule is out now ⬇️#CWC23https://t.co/j62Erj3d2c

  — ICC (@ICC) June 27, 2023

এই বিশ্বকাপত, ভাৰতে লীগ ৰাউণ্ডত মুঠ ৯ খন মেচ খেলিব । ভাৰতীয় দলটোৱে অষ্ট্ৰেলিয়াৰ বিৰুদ্ধে প্ৰথমখন খেল ৮ অক্টোবৰত চেন্নাইত খেলিব । ভাৰতৰ দ্বিতীয়খন খেল ১১ অক্টোবৰত দিল্লীৰ অৰুণ জেটলী ষ্টেডিয়ামত আফগানিস্তানৰ বিৰুদ্ধে হ'ব । তৃতীয়খন খেল ১৫ অক্টোবৰত আহমেদাবাদৰ নৰেন্দ্ৰ মোডী ষ্টেডিয়ামত ভাৰত আৰু পাকিস্তানৰ মাজত অনুষ্ঠিত হ'ব । ১৯ অক্টোবৰত পুনেত বাংলাদেশৰ বিৰুদ্ধে চতুৰ্থখন খেল খেলিব ভাৰতে ।

• ICC World Cup 2023: England to play New Zealand in opening match on October 5. India to kick-start campaign against Australia on October 8. pic.twitter.com/dWSQwk1pFd

  — ANI (@ANI) June 27, 2023 " class="align-text-top noRightClick twitterSection" data="

  ICC World Cup 2023: England to play New Zealand in opening match on October 5. India to kick-start campaign against Australia on October 8. pic.twitter.com/dWSQwk1pFd

  — ANI (@ANI) June 27, 2023

  ">

  ICC World Cup 2023: England to play New Zealand in opening match on October 5. India to kick-start campaign against Australia on October 8. pic.twitter.com/dWSQwk1pFd

  — ANI (@ANI) June 27, 2023

ভাৰত আৰু নিউজিলেণ্ডৰ মাজত পঞ্চমখন খেল ২২ অক্টোবৰত ধৰ্মশালাত অনুষ্ঠিত হ'ব । ভাৰতৰ ষষ্ঠ খন খেল ২৯ অক্টোবৰত লক্ষ্ণৌত ইংলেণ্ডৰ বিৰুদ্ধে হ'ব । ২ নৱেম্বৰত ভাৰতে মুম্বাইৰ ৱানখেড়ে ষ্টেডিয়ামত কোৱালিফায়াৰ ২ৰ সৈতে খেলিব । ইয়াৰ উপৰিও, ভাৰতে ৫ নৱেম্বৰত কলকাতাত দক্ষিণ আফ্ৰিকাৰ বিৰুদ্ধে খেলিব । ১১ নৱেম্বৰত, ভাৰতে বেংগালুৰুত কোৱালিফায়াৰ ১ সৈতে খেলিব ।

এদিনীয়া বিশ্বকাপৰ প্ৰথমখন ছেমি ফাইনেল ১৫ নৱেম্বৰত মুম্বাইত আৰু দ্বিতীয়খন কলকাতাত ১৬ অক্টোবৰত অনুষ্ঠিত হ'ব । দুয়োখন ছেমি ফাইনেলত অতিৰিক্ত সংৰক্ষিত এদিনকৈ থাকিব । ফাইনেলখন ১৯ নৱেম্বৰত আহমেদাবাদৰ নৰেন্দ্ৰ মোডী ষ্টেডিয়ামত অনুষ্ঠিত হ'ব । একে সময়তে, ২০ নৱেম্বৰৰ দিনটো সংৰক্ষিত কৰি ৰখা হ'ব । তিনিওখন নকআউট মেচ দিবা-নৈশ হ'ব ।

এইবাৰ ১০ টা দলে বিশ্বকাপত অংশগ্ৰহণ কৰিব, যাৰ ভিতৰত ৮ টা দলে যোগ্যতা অৰ্জন কৰিছে আৰু বাকী দুটা জিম্বাবোৱেত চলি থকা কোৱালিফায়াৰ টুৰ্ণামেণ্টৰ জৰিয়তে উপনীত হ'ব ।

এতিয়ালৈকে ৬ টা দলে এই কোৱালিফায়াৰ ৰাউণ্ডৰ চুপাৰ ছিক্সত উপনীত হৈছে । এই ৬ টা দলৰ ভিতৰত, ২ টা দলে ভাৰতত অনুষ্ঠিত হ'বলগীয়া বিশ্বকাপৰ মূল ৰাউণ্ডত অংশগ্ৰহণ কৰিব । একে সময়তে, দুবাৰৰ বিশ্বকাপ চেম্পিয়ন ৱেষ্ট ইণ্ডিজ দলটো এই প্ৰতিযোগিতাৰ দৌৰৰ পৰা বাহিৰ হোৱাৰ পথত আছে । ইয়াৰ সৈতে শ্ৰীলংকা আৰু জিম্বাবোৱেই মূল ৰাউণ্ডত খেলাৰ সম্ভাৱনা অধিক । ৯ জুলাইত এদিনীয়া বিশ্বকাপত অংশ ল'বলগীয়া বাকী দুটা দলৰো সিদ্ধান্ত লোৱা হ'ব ।

লগতে পঢ়ক :Indian Womens Football Team to Sweden : ভাৰতীয় মহিলা ফুটবল দলৰ নেতৃত্বত অসম কন্যা অপূৰ্ণা নাৰ্জাৰী