স্পৰ্টছ ডেস্ক, 26 মে’: অহা 30 মে’ত ইংলেণ্ড এণ্ড ৱেলছত অনুষ্ঠিত হ’ব আই চি চি ৰ আন্তঃৰাষ্ট্ৰীয় এদিনীয়া বিশ্বকাপ ৷ বিশ্বকাপ আৰম্ভ হোৱাৰ প্ৰাকমূহুৰ্তত পাকিস্তান ক্ৰিকেটৰ দলৰ মুখ্য নিৰ্বাচক মণ্ডলীৰ সদস্য ইনজামাম-উল-হকে আগবঢ়াইছে এই মন্তব্য ৷ প্ৰাক্তন খেলুৱৈগৰাকীৰ বিশ্বাস এইবাৰ 16 জুনত ভাৰতৰ বিৰুদ্ধে অনুষ্ঠিত হ’বলগীয়া মেচত জয়লাভ কৰিব পাকিস্তানে ৷
উল্লেখ্য যে, বিশ্বকাপৰ ইতিহাসত ভাৰতৰ বিৰুদ্ধে এখন মেচতো জয় লাভ কৰিবলৈ সক্ষম হোৱা নাই পাকিস্তান দলটো ৷ ইয়াৰ পূৰ্বে ছয়বাৰকৈ ভাৰতৰ বিৰুদ্ধে মুখামুখি হৈছে পাকিস্তান ৷ য’ত ছয়বাৰেই বিজয় লাভ কৰিবলৈ সক্ষম হৈছিল ভাৰতীয় দলটো ৷
