স্পৰ্টছ ডেস্ক, 8 ফেব্ৰুৱাৰী : স্মৃতি মন্ধানাৰ অৰ্ধশতকৰ জৰিয়তে ত্ৰিদেশীয় টি-20 শৃংখলাৰ পঞ্চম মেচত অষ্ট্ৰেলিয়াক 7 উইকেটত পৰাস্ত কৰে ভাৰতীয় মহিলা ক্ৰিকেট দলে ৷ অষ্ট্ৰেলিয়াৰ জাংছন অ'ভেলত অনুষ্ঠিত মেচত প্ৰথমে বেটিং কৰি 5 টা উইকেট হেৰুৱাই 173 ৰাণ সংগ্ৰহ কৰে অষ্ট্ৰেলিয়া দলে৷ অষ্ট্ৰেলিয়াৰ হৈ এছলেই গাৰ্ডনাৰে 57 বলত 93 ৰাণ আৰু মেগ লেনিংছে 22 বলত 37 ৰাণ সংগ্ৰহ কৰে ৷
ইয়াৰ পাচতে ভাৰতে বেটিং কৰি 19.4 অ'ভাৰত তিনিটা উইকেট হেৰুৱাই জয়ৰ বাবে প্ৰয়োজনীয় ৰাণ সংগ্ৰহ কৰে ৷ ভাৰতৰ হৈ 16 বৰ্ষীয় শেফালী বৰ্মাই 28 বলত 49 ৰাণ সংগ্ৰহ কৰি ভাৰতক সুন্দৰ আৰম্ভণি দিয়ে ৷ তেওঁ নিজৰ ইনিংছত 8 চাৰি আৰু এটা ছয় কোবায় ৷
স্মৃতি মন্ধানাই বেটিং কৰিবলৈ আহি 48 বলত 55 ৰাণৰ ইনিংছ গঢ়ে ৷ ইনিংছৰ শেষৰ ফালে অধিনায়ক হৰমনপ্ৰীতে 20 আৰু দিপ্তী শৰ্মাই 11 ৰাণ সংগ্ৰহ কৰি দলক জয় উপহাৰ দিয়ে ৷
ভাৰতৰ হৈ বলিঙত দিপ্তী শৰ্মাই 27 ৰাণ দি 2 টা উইকেট দখল কৰাৰ লগতে ৰাজেশ্বৰী গায়াকৱাড, ৰাধা যাদৱ আৰু হাৰ্লিন দেউলে 1 টাকৈ উইকেট দখল কৰে ৷
আনহাতে, অষ্ট্ৰেলিয়াৰ হৈ এলিছ পেৰী, মেগান স্কট আৰু নিকোলা কেৰীয়ে এটাকৈ উইকেট দখল কৰে ৷
এই জয়েৰে ভাৰতীয় দলে ইংলেণ্ডৰ পাচতে পইন্ট তালিকাৰ দ্বিতীয় স্থান দখল কৰিছে ৷
উল্লেখ্য যে, দেওবাৰে অষ্ট্ৰেলিয়াই লীগৰ অন্তিমখন মেচত ইংলেণ্ডৰ বিৰুদ্ধে অৱতীৰ্ণ হ'ব ৷
আৰু পঢ়ক : দ্বিতীয় এদিনীয়াঃ টছত জয় লাভ ভাৰতৰ, প্ৰথমে বলিঙৰ সিদ্ধান্ত
