স্পৰ্টছ ডেস্ক, ১৪ ফেব্ৰুৱাৰীঃ শ্ৰীলংকাৰ বিৰুদ্ধে অনুষ্ঠিত হোৱা প্ৰথমখন টেষ্টত কপিল দেৱৰ অভিলেখৰ ভংগ কৰিলে দক্ষিণ আফ্ৰিকাৰ পেচ বলাৰ ডেইল স্টেইনে ।
দক্ষিণ আফ্ৰিকাৰ ডাৰবনত ১৩ ফেব্ৰুৱাৰীৰ পৰা অনুষ্ঠিত দুয়োখন দেশৰ মাজত প্ৰথমখন টেষ্ট । দক্ষিণ আফ্ৰিকাৰ প্ৰথম ইনিংছৰ প্ৰত্যুত্তৰত শ্ৰীলংকাৰ ৪ টা উইকেট দখল কৰি কপিল দেৱৰ অভিলেখ ভংগ কৰিবলৈ সক্ষম হয় দক্ষিণ আফ্ৰিকাৰ পেচ বলাৰ গৰাকীয়ে । বৰ্তমান ৪৩৭ টা উইকেটেৰে টেষ্ট ক্ৰিকেটত ষ্টুৱাৰ্ড ব্ৰডৰ উইকেটৰ সমপৰ্যায় লাভ কৰিছে স্টেইনে । কপিল দেৱৰ ৪৩৪ টা উইকেটৰ অভিলেখ ভংগ কৰি আটাইতকৈ বেছি টেষ্ট উইকেট লোৱা বলাৰৰ যুটিয়া ভাৱে বিশ্বৰ সপ্তম স্থানত অধিষ্ঠিত হ'ল স্টেইন । মেচখনত স্টেইনে লাহিৰু থ্ৰিমানে, অশ্বডা ফাৰ্ণাণ্ডো, কুছাল পেৰেৰা, আৰু ছুৰাংগা লকমলৰ উইকেট দখল কৰিবলৈ সক্ষম হয় ।
