স্পৰ্টছ ডেস্ক, 15 মাৰ্চঃপুনৰ খেলপথাৰত দেখা পাব পাৰে শ্ৰীশান্তক ।2013 চনত আই পি এলৰ স্পট ফিক্সিঙৰ অভিযোগত বিচিচিআইয়ে জীৱনজোৰা নিষেধাজ্ঞাৰ শাস্তি বিহিছিল বেগী বলাৰ শ্ৰীশান্তক ৷
শুকুৰবাৰে শ্ৰীশান্তৰ ওপৰত বিচিচিআইয়ে জাপি দিয়া জীৱনজোৰা নিষেধাজ্ঞাৰ শাস্তি বাতিল কৰে উচ্চতম ন্যায়ালয়ে ৷ শাস্তিৰ সন্দৰ্ভত পুনৰ বিবেচনাৰ নিৰ্দেশ বিচিচিআইক ৷বিচিচিআইৰ জীৱনজোৰা নিষেধাজ্ঞাৰ সিদ্ধান্তক উচ্চতম ন্যায়ালয়ত প্ৰত্যাহ্বান জনাইছিল শ্ৰীশান্তে ৷
শুকুৰবাৰে বিচিচিআইৰ জীৱনজোৰা নিষেধাজ্ঞা প্ৰত্যাহাৰ কৰি আগন্তুক তিনিমাহৰ ভিতৰত এক বিকল্প শাস্তি বহনৰ ৰায় প্ৰদান কৰে উচ্চতম ন্যায়ালয়ে ৷ অৱশ্যে সকলো ধৰণ শাস্তিৰ পৰা ৰেহাইৰ শ্ৰীশান্তে যি আবেদন দাখিল কৰিছিল সেইয়া বাতিল কৰে ন্যায়ালয়ে ৷ এতিয়া লক্ষণীয় হ’ব আগন্তুক দিনত কি সিদ্ধান্ত গ্ৰহণ কৰিব বিচিচিআইয়ে ৷
