স্পৰ্টছ ডেস্ক,13 ছেপ্তেম্বৰঃ দিল্লীত অনুষ্ঠিত এক অনুষ্ঠানত অংশগ্ৰহণ কৰি মন্ত্ৰীগৰাকীয়ে ফিট ইণ্ডিয়া মুভমেণ্টৰ প্ৰচাৰৰ বাবে ক্ৰিকেটাৰ সকলক আহ্বান জনায় কেন্দ্ৰীয় ক্ৰীড়ামন্ত্ৰী কিৰণ ৰিজেজুৱে ৷ দিল্লীত অনুষ্ঠিত এই অনুষ্ঠানত উপস্থিত থাকে বিৰাট কোহলি ৷ য’ত কোহলিৰ নামত এটা ষ্টেডিয়ামৰ ষ্টেণ্ড নামকৰণ কৰা লগতে অৰুণ জেটলীৰ নামত নামকৰণ কৰা হয় ফিৰোজ শ্বাহ কোটলা ষ্টেডিয়ামটো ৷
এই অনুষ্ঠানতেই সভাত উপস্থিত ব্যক্তিসকলক সম্বোধন কৰি ফিট ইণ্ডিয়া মুভমেণ্টৰ প্ৰচাৰৰ বাবে ক্ৰিকেটাৰক আহ্বান জনায় ক্ৰীড়ামন্ত্ৰীগৰাকীয়ে ৷ 29 আগষ্ট ৰাষ্ট্ৰীয় ক্ৰীড়া দিৱসৰ দিনা ভাৰতৰ প্ৰধানমন্ত্ৰী নৰেন্দ্ৰ মোডীয়ে শুভ উদ্বোধন কৰিছিল এই ফিট ইণ্ডিয়া মুভমেণ্টৰ ৷ ফিট ইণ্ডিয়া মুভমেণ্টৰ প্ৰসাৰ আৰু প্ৰচাৰৰ বাবে এই আহ্বান জনায় মন্ত্ৰীগৰাকীয়ে ৷
