স্পৰ্টছ ডেস্ক, 20 জুনঃ অহা 28 জুনত তিনিখন টেষ্ট আৰু তিনিখন টি-20 শৃংখলাৰ বাবে ইংলেণ্ড ভ্ৰমণলৈ ৰাওনা হ'ব পাকিস্তান ক্ৰিকেট দল । এই শৃংখলাৰ টি-20 মেচত অংশগ্ৰহণ কৰিব ছিনিয়ৰ খেলুৱৈ ছ'য়েব মলিকে । যাৰ বাবে অহা 24 জুলাইত পাকিস্তান দলৰ সৈতে যোগদান হ'বলৈ নিৰ্দেশ দিয়া হৈছে খেলুৱৈগৰাকীক ।
উল্লেখ্য় যে,পৰিয়ালৰ সৈতে কিছু সময় অতিবাহিত কৰাৰ বাবেই খেলুৱৈগৰাকীয়ে পাকিস্তান ক্ৰিকেট ব'ৰ্ডক এক আবেদন দাখিল কৰিছিল । যাৰ ফলস্বৰূপেই তেওঁক 23 জুলাইলৈ পৰিয়ালৰ সৈতে সময় অতিবাহিত কৰাৰ মঞ্জুৰী প্ৰদান কৰা হৈছে পাকিস্তান ক্ৰিকেট ব'ৰ্ডৰ ফালৰ পৰা ।
কৰ'ণা ভাইৰাছৰ ফলতেই আন্তঃৰাষ্ট্ৰীয় পৰিবহন যাত্ৰা বন্ধ হৈ থকাৰ বাবেই যোৱা পাঁচ মাহে পত্নী ছানিয়া মিৰ্জা আৰু পুত্ৰ সন্তান ইজহানৰ পৰা আঁতৰ থাকিবলগীয়া হৈছে খেলুৱৈগৰাকী । কাৰণ পত্নী ছানীয়া মিৰ্জা আৰু তেওঁ সন্তান ভাৰতত থকাৰ বিপৰীতে ছিয়ালকোটৰ নিজৰ বাসগৃহত আছে ছ'য়েব।
এই শৃংখলাৰ বাবে পাকিস্তান ক্ৰিকেট ব'ৰ্ডে শনিবাৰে ৰাওনা হোৱাৰ তাৰিখ ঘোষণা কৰাৰ লগতে নীতি-নিয়ম অনুসৰি খেলুৱৈ সকলক ভ্ৰমণৰ পূৰ্বে 14 দিনলৈ ডৰ্বীশ্বৰত কোৱাৰেণ্টাইনত থকাৰ লগতে তাতেই অনুশীলনত নামিব বুলি জানিবলৈ দিয়ে । এই ভ্ৰমণসূচীৰ বাবে পাকিস্তান দলটোত 29 গৰাকী খেলুৱৈক দলত স্থান দিয়া হৈছে ।
লগতে চাওকঃ অসমৰ ভৱিষ্যৎ মংগলৰ অৰ্থে 2021ত বিজেপিক উৎখাত কৰিবই লাগিবঃ ৰিপুন বৰা
