স্পৰ্টছ ডেস্ক, ৮ ফেব্ৰুৱাৰী: নিউজিলেণ্ডৰ বিৰুদ্ধে হোৱা দ্বিতীয় টি-২০ ত ৰোহিত শৰ্মাই কেইবাটাও অভিলেখৰ কৃতিত্ব অৰ্জন কৰিবলৈ সক্ষম হয় । অধিনায়কৰ দায়িত্বত থকা ৰোহিতে ৪টা ছিক্স আৰু ৩ টা চাৰিৰে মুঠ ৫০ ৰানৰ এক সুন্দৰ প্ৰদৰ্শন দাঙি ধৰি ভাৰতীয় দলটোক বিজয়ৰ সোৱাদ দিয়ে । ইপিনে ৰোহিত শৰ্মাৰ ৪টা ছিক্সৰে টি-২০ ত ১০০ টা ছিক্স সম্পূৰ্ণ কৰি অভিলেখ ৰচিবলৈ সক্ষম হয় ।
উল্লেখ্য যে, টি-২০ ত ১০০ টা ছিক্স সম্পূৰ্ণ কৰা প্ৰথমজন ভাৰতীয় খেলুৱৈ হোৱাৰ বিপৰীতে বিশ্ব ক্ৰিকেটৰ তৃতীয়জন খেলুৱৈ হৈছে ৰোহিত । এই তালিকাৰ প্ৰথম স্থানত আছে ক্ৰীচ গেইল আৰু দ্বিতীয়ত আছে মাৰ্টিন গুপ্টিল ।
