স্পৰ্টছ ডেস্ক, ২৮ এপ্ৰিলঃ নিষিদ্ধ ঘোষিত কৰা হ'ল পাকিস্তানৰ ক্ৰিকেটাৰ উমৰ আকমলক । সোমবাৰে পাকিস্তান ক্ৰিকেট ব'ৰ্ডে ৩ বছৰৰ বাবে সকলো ধৰণৰ ক্ৰিকেট ফৰ্মেটৰ পৰা নিষিদ্ধ ঘোষণা কৰিছে উমৰ আকমলক । দুমাহ পূৰ্বৰ পৰা দুৰ্নীতি দমন আইনৰ অধীনত চলি থকা তদন্তৰ পাচতেই এই সিদ্ধান্ত গ্ৰহণ কৰিছে ব'ৰ্ডে ।
অৱশ্য়ে পাকিস্তান ক্ৰিকেট ব'ৰ্ডে উমৰ আকমলক নিষিদ্ধ ঘোষণা কৰাৰ নিৰ্দিষ্ট কাৰণ প্ৰকাশ কৰা নাই । কিন্তু চলিত বৰ্ষৰ ফেব্ৰুৱাৰী মাহত দুটি অপ্ৰাসংগিক ঘটনাৰ বাবে ব'ৰ্ডে দুৰ্নীতি দমন আইনৰ ২.৪.৪ অনুচ্ছেদ উলংঘনৰ অভিযোগ উত্থাপন কৰি আকমলৰ বিৰুদ্ধে তদন্ত ঘোষণা কৰিছিল ।
অনুশাসন পেনেলৰ চেয়াৰমেন তথা অৱসৰ প্ৰাপ্ত ন্যায়াধীশ ফেজল-ই-মিৰাণ চৌহানে টুইট যোগে উমৰ আকমলক ক্ৰিকেটৰ সকলো ফৰ্মেটৰ পৰা ৩ বছৰৰ নিষেধাজ্ঞা কৰাৰ কথা প্ৰকাশ কৰে ।
-
Umar Akmal handed three-year ban from all cricket by Chairman of the Disciplinary Panel Mr Justice (retired) Fazal-e-Miran Chauhan.
— PCB Media (@TheRealPCBMedia) April 27, 2020 " class="align-text-top noRightClick twitterSection" data="
">Umar Akmal handed three-year ban from all cricket by Chairman of the Disciplinary Panel Mr Justice (retired) Fazal-e-Miran Chauhan.
— PCB Media (@TheRealPCBMedia) April 27, 2020Umar Akmal handed three-year ban from all cricket by Chairman of the Disciplinary Panel Mr Justice (retired) Fazal-e-Miran Chauhan.
— PCB Media (@TheRealPCBMedia) April 27, 2020
উল্লেখ্য যে, ইয়াৰ পূৰ্বে ২৯ বছৰীয়া খেলুৱৈগৰাকীক তেওঁৰ পিএছএলৰ কোয়েটা গ্ল্যেডিয়েটৰ্ছ দলৰ পৰাও ইছলামাবাদৰ বিৰুদ্ধে অনুষ্ঠিত হ'বলগীয়া উদ্বোধনী মেচৰ কেইঘণ্টা মান পূৰ্বেই দলৰ পৰা বাতিল কৰি দিয়া হৈছিল ।
উমৰ আকমলে পাকিস্তানৰ হৈ ১৬ খন টেষ্ট, ৮৪ খন টি-২০ আৰু ১২১ খন এদিনীয়া মেচত অংশগ্ৰহণ কৰিছিল । আকমলে পাকিস্তানৰ হৈ টেষ্টত ১০০৩ ৰান, এদিনীয়াত ৩১৯৪ ৰান, আৰু টি-২০ ত ১৬৯০ ৰান কৰিবলৈ সক্ষম হৈছে ।
