স্পৰ্টছ ডেস্ক, 30 অক্টোবৰ : ডুবাইত অনুষ্ঠিত মেচত জয়েৰে নামিবিয়াই প্ৰথমবাৰৰ বাবে টি-20 বিশ্বকাপলৈ যোগ্যতা অৰ্জন কৰিবলৈ সক্ষম হৈছে ৷ যোগ্যতা অৰ্জনৰ যুঁজত নামিবিয়াৰ দলটোৱে অ'মানক পৰাস্ত কৰে ৷ ইয়াৰ জৰিয়তে টি-20 বিশ্বকাপ অষ্ট্ৰেলিয়া, 2020ৰ বাবে যোগ্যতা অৰ্জন কৰা চতুৰ্থটো দল হিচাপে বিবেচিত হ'ল নামিবিয়া ৷ নামিবিয়াৰ পূৰ্বে পাপুৱা নিউগিনি,আয়াৰলেণ্ড আৰু নেদাৰলেণ্ডছ দলে বিশ্বকাপ টি-20ৰ বাবে যোগ্যতা অৰ্জন কৰিছিল ৷
উল্লেখ্য যে,ইয়াৰ পূৰ্বে নামিবিয়া দলে 2003 চনত 50 অ'ভাৰৰ বিশ্বকাপত অংশগ্ৰহণৰ সুবিধা লাভ কৰিছিল ৷ নামিবিয়াই যোগ্যতা অৰ্জনৰ বিষয়ে টি-20 বিশ্বকাপৰ অ'ফিচিয়েল টুইটাৰৰ জৰিয়তে প্ৰকাশ কৰিছে ৷
