স্পৰ্টছ ডেস্ক, 5 জুনঃ ইনষ্টাগ্ৰামত সৰ্বাধিক উপাৰ্জনকাৰী বিশ্ব এথলীটৰ ভিতৰত নাম সন্নিৱিষ্ট হৈছে ভাৰতীয় ক্ৰিকেট দলৰ অধিনায়ক বিৰাট কোহলিৰ । তালিকাৰ ষষ্ঠ স্থান দখল তাৰকা ক্ৰিকেটাৰগৰাকীৰ । ইয়াৰ বিপৰীতে ইনষ্টাগ্ৰামত আটাইতকৈ বেছি উপাৰ্জনকাৰী এথলীটগৰাকী হৈছে পৰ্তুগালৰ তাৰকা ফুটবলাৰ ক্ৰিষ্টিয়ানো ৰ'নাল্ডো । খেলুৱৈগৰাকীয়ে ইনষ্টাগ্ৰামত এটা প'ষ্ট বা ফটো শ্বেয়াৰ কৰাৰ বিনিময়ত লাভ কৰে অনুমানিক 1.8 মিলিয়ন পাউণ্ড ।
শীৰ্ষ দহগৰাকী এথলীট তথা খেলুৱৈৰ নাম তালিকাত সন্নিৱিষ্ট হোৱা একমাত্ৰ ভাৰতীয় খেলুৱৈ হৈছে বিৰাট কোহলি । লক্ ডাউনৰ সময়ছোৱাত বিৰাটে উপাৰ্জন কৰিবলৈ সক্ষম হৈছে 379,294 পাউণ্ড । কোহলিয়ে শ্বেয়াৰ কৰাৰ তিনিখন প'ষ্টৰ বাবদ প্ৰত্যকখন ফটোত লাভ কৰিবলৈ সক্ষম হৈছিল 126,431 পাউণ্ডকৈ ।
এই তালিকাৰ দ্বিতীয় স্থানত আছে আৰ্জেন্টিনাৰ লিয়নেল মেছী (1.2 মিলিয়ন) আনহাতে তৃতীয় স্থানত আছে ব্ৰাজিলৰ নেইমাৰ (1.1 মিলিয়ন) ।
লগতে চাওকঃ জাজৰিকাণ্ডৰ অভিযুক্ত দুই আৰক্ষীক তিনিদিনৰ বাবে আৰক্ষীৰ জিম্মালৈ
