স্পৰ্টছ ডেস্ক, 4 জানুৱাৰীঃ সুন্দৰ প্ৰদৰ্শন অব্যাহত আছে ভাৰতীয় 19 অনুৰ্ধ্ব ক্ৰিকেট দলৰ ৷ চাৰিখন দেশৰ মাজত অনুষ্ঠিত হোৱা এদিনীয়া শৃংখলাৰ প্ৰথমখন মেচত জয় লাভ ভাৰতৰ ৷ অধিনায়ক প্ৰিয়ম গাৰ্গৰ শতকীয় ইনিংছৰ ফলতেই জয় লাভ ভাৰতীয় দলটোৰ ৷ ভাৰতীয় দলটোৱে প্ৰথমে বেটিং কৰি নিৰ্ধাৰিত 50 অভাৰত 5 উইকেট হেৰুৱাই 264 ৰান কৰিবলৈ সক্ষম হৈছিল ৷ ইয়াৰ প্ৰত্যুত্তৰত দক্ষিণ আফ্ৰিকা দলটোৱে কেৱল 9 উইকেট হেৰুৱাই 198 ৰান হে কৰিবলৈ সক্ষম হয় ৷
প্ৰিয়ম গাৰ্গৰ 110 ৰানৰ ইনিংছৰ বাবেই ভাৰতে দক্ষিণ আফ্ৰিকাৰ বিৰুদ্ধে 66 ৰানৰ বৃহৎ জয় লাভ কৰিবলৈ সক্ষম হয় ৷ চাৰিখন দেশৰ এই শৃংখলাত আন দুটা দল হৈছে নিউজিলেণ্ড আৰু জিম্বাবৱে ৷ জিম্বাবৱেৰ বিৰুদ্ধে অহা 5 জানুৱাৰীত আৰু 7 জানুৱাৰীত নিউজিলেণ্ডৰ বিৰুদ্ধে সন্মুখ সমৰত নামিব ভাৰত ৷
