স্পৰ্টছ ডেস্ক, 4 অক্টোবৰঃ দক্ষিণ আফ্ৰিকা আৰু ভাৰতৰ মাজত বিশাখাপট্টনমত অনুষ্ঠিত হৈ থকা প্ৰথমখন টেষ্টৰ তৃতীয় দিনৰ খেলৰ অন্তত 8 উইকেটৰ বিনিময়ত 385 ৰান সংগ্ৰহ দক্ষিণ আফ্ৰিকাৰ ৷ দক্ষিণ আফ্ৰিকাৰ হৈ ডেন এলগাৰে 160 ৰান কৰাৰ বিপৰীতে কুইণ্টন ডি কক্ কে 111 ৰানৰ ইনিংছ খেলিবলৈ সক্ষম হয় ৷ আনহাতে অধিনায়ক ফেৱ ডু প্লেছিছে 55 ৰানৰ বৰঙণি আগবঢ়ায় ৷ ইপিনে এডেন মাৰ্কৰাম 5, ব্ৰুয়েন 4, ডেন পেয়েড 0, টেম্বা বাবুম্বা 18, ফিলেণ্ডাৰ 0 ৰান কৰে ৷ বৰ্তমান ক্ৰীজত মুথুশ্বামী 12 আৰু কেছৱ মাহাৰাজ 3 ৰান কৰি অপৰাজিত হৈ আছে ৷
ভাৰতৰ হৈ আটাইতকৈ সফল বলাৰ হিচাপে পৰিগণিত হৈছে ৰবি চন্দ্ৰন আশ্বিন ৷ আশ্বিনে 128 ৰান দি 5 টা উইকেট লোৱাৰ বিপৰীতে জাডেজাই 116 ৰান দি 2 টা, ইশান্ত শৰ্মাই 1 টা উইকেট লাভ কৰিবলৈ সক্ষম হৈছে ৷
