স্পৰ্টছ ডেস্ক, 27 অক্টোবৰ: অহা তিনি নৱেম্বৰত ভাৰত ভ্ৰমণলৈ আহিব বাংলাদেশ ক্ৰিকেট দল ৷ তিনিখন টি-20 ৰ লগতে দুখন টেষ্ট শৃংখলাত অৱতীৰ্ণ হ’ব বাংলাদেশ ক্ৰিকেট দলটো ৷ ইতিমধ্যে দুখন মেচৰ টেষ্ট শৃংখলাৰ এখন মেচ দিবা-নৈশ টেষ্ট হিচাপে আয়োজন কৰাৰ চিন্তা-চৰ্চা চলাইছে বিচিচিআইয়ে ৷ কলকাতাৰ ইডেন গাৰ্ডেনত অনুষ্ঠিত হ’বলগীয়া দ্বিতীয়খন টেষ্ট মেচ দিবা-নৈশ মেচ হিচাপে আয়োজন কৰাৰ বাংলাদেশ ক্ৰিকেট বৰ্ডক প্ৰস্তাৱ প্ৰদান বিচিচিআইৰ ৷
এই সন্দৰ্ভত আকৰম খানে উল্লেখ কৰে, বিচিচিআইয়ে দিবা-নৈশ টেষ্ট মেচ সন্দৰ্ভত আমাক প্ৰস্তাৱ দিছে ৷ এই সন্দৰ্ভত আমি চিন্তা-চৰ্চা কৰি আমাৰ ৰায় প্ৰদান কৰিম ৷ বিচিচিআইৰ পৰা আমি দুই তিনি দিন পূৰ্বে পত্ৰ লাভ কৰিছো ৷
উল্লেখ্য যে, ভাৰতীয় ক্ৰিকেট নিয়ন্ত্ৰণ বৰ্ডৰ নৱ নিযুক্ত সৌৰভ গাংগুলীয়েও বিৰাট কোহলিৰ দিবা-নৈশ টেষ্ট মেচ অনুষ্ঠিত কৰাৰ মন্তব্যৰ সৈতে সহমত প্ৰকাশ কৰিছিল ৷
