স্পৰ্টছ নিউজ, 11 জুনঃ বৰ্ণ বৈষম্য প্ৰতিবাদ ক্ৰীড়াজগতত বাৰুকৈ চলি থকাৰ মাজতেই আইচিচিৰ গুৰুত্বপূৰ্ণ মন্তব্য় । যদি কোনো খেলুৱৈয়ে 'Black Lives Matter' অভিযান মৰ্মে যদি নিজৰ একতা প্ৰদৰ্শন কৰে তেন্তে আইচিচিয়ে সেইটো "সামান্য জ্ঞান" (common sense) দৃষ্টিভংগীৰে চাব বুলি উল্লেখ কৰে ।
আইচিচি বৰ্ণ বৈষম্যৰ বিৰোধী আৰু এই খেলৰ বিভিন্নতাক লৈ আমি গৌৰাম্বিত । আমি আমাৰ খেলুৱৈক তেওঁলোকৰ মনোভাৱ ন্যায়সংগত সমাজৰ বাবে প্ৰকাশ কৰিবলৈ আমাৰ এই মঞ্চ ব্যৱহাৰৰ বাবে যথাযথভাৱে সমৰ্থন জনাম বুলি এক ৱেবচাইটত আইচিচৰ মুখপত্ৰক উদ্ধৃত কৰি কোৱা হৈছে ।
লগতে কোৱা হৈছে, আমি এই বিষয় সন্দৰ্ভত সামান্য জ্ঞানৰ দৃষ্টিভংগীৰ উপয়োগ কৰিম । মেচ বিষয়ববীয়াৰ দ্বাৰা এই বিষয়ে কেচ-বাই-কেচ ভিত্তিত মূল্যাংকন কৰা হ'ব বুলিও উল্লেখ কৰে । কৃষ্ণাংগবৰণৰ জৰ্জ ফ্লয়ডক বৰ্বতাৰে হত্যা কৰাৰ পাচতেই সৰ্বত্ৰে 'Black Lives Matter' প্ৰতিবাদৰ সূচনা হৈছে । বাদ পৰি ৰোৱা নাই ক্ৰীড়াজগতো ।
ক্ৰিকেট পৰিচালনা কমিটিয়ে অতীতত খেলুৱৈৰ দ্বাৰা এনে বিবৃতি প্ৰদান কৰাত তেতিয়া তাক ৰাজনৈতিক বুলি বিবেচিত কৰিব পৰা যাব পাৰে বুলি উল্লেখ কৰিছিল । বিগত বছৰত আইচিচিয়ে ভাৰতীয় দলৰ উইকেটকীপাৰ মহেন্দ্ৰ সিং ধোনীৰ সেনাৰ এক প্ৰতীক চিহ্ন থকা উইকেটকিপিং গ্ল'ভছ পৰিধান কৰাত নিষেধজ্ঞা প্ৰদান কৰিছিল ।
আনহাতে ইয়াৰ মাজতেই আইচিচিয়ে শেহতীয়াকৈ ক্ৰিকেটত কিছু সাল-সলনিৰ কথা সদৰি কৰিছে । যাৰ ভিতৰত অন্য়তম হৈছে বলত থুঁ ব্যৱহাৰত নিষেধাজ্ঞা আৰু আন্তঃৰাষ্ট্ৰীয় মেচত ঘৰুৱা আম্পায়ৰৰ ব্য়ৱহাৰ । আনহাতে শেহতীয়াকৈ আন এক গুৰুত্বপূৰ্ণ সিদ্ধান্ত গ্ৰহণ কৰিছে আইচিচিয়ে । টেষ্ট ক্ৰিকেটত COVID-১৯ বিকল্প খেলুৱৈৰ অনুমতি প্ৰদান কৰিছে আইচিচিয়ে ।
লগতে পঢ়কঃ মুম্বাইত আৱদ্ধ হোজাইৰ 40 জন শ্ৰমিকক ৰাজ্যলৈ ঘূৰাই পঠালে চনু চুডে
