নিউজডেস্ক,২৮ ফেব্ৰুৱৰী: এদিনীয়া ক্ৰিকেটত নতুন অভিলেখ ইংলেণ্ডৰ । বুধবাৰে ইংলেণ্ড আৰু ৱেষ্ট ইণ্ডিজৰ মাজত অনুষ্ঠিত হোৱা চতুৰ্থ এদিনীয়াত ইংলেণ্ডৰ বেটছমেনসকলে ২৪ টা ছিক্স কোৱায় । যাৰ ফলত এদিনীয়া ক্ৰিকেট ইতিহাসত এটা ইনিংছত সৰ্বাধিক ছিক্স কোবোৱা তালিকাৰ শীৰ্ষত উপনীত হয় ।
উল্লেখ্য যে ইয়াৰ পূৰ্বে এই কৃতিত্বৰ গৰাকী আছিল ৱেষ্ট ইণ্ডিজ । বৰ্তমান ২৩ টা ছিক্সৰে ৱেষ্ট ইণ্ডিজ দলটোৱে এই তালিকাৰ দ্বিতীয়স্থানত থকাৰ বিপৰীতে নিউজিলেণ্ডে ২২ টাকৈ ছিক্সৰে তৃতীয় স্থানত আছে । ইংলেণ্ডে খেলখনত ২৯ ৰানত ৱেষ্ট ইণ্ডিজক পৰাজিত কৰে ।
