স্প’ৰ্টছ ডেস্ক,16 নৱেম্বৰ: অষ্ট্ৰেলিয়া দলৰ ক্ৰিকেটাৰসকলে প্ৰতিটো শৃংখলা আৰম্ভ হোৱাৰ পূৰ্বে স্বদেশী লোকসকলক সংস্কৃতিৰ আভাস দিয়াৰ হেতু খালী ভৰিৰে এটি বৃত্ত (Barefoot Circle) গঠন কৰিব ৷ ভাৰতৰ বিৰুদ্ধে এদিনীয়া শৃংখলাৰ আৰম্ভণি কৰি অষ্ট্ৰেলিয়াৰ পেট কামিনছে কয় যে, তেওঁৰ দলে বৰ্ণবৈষম্য বিৰোধী আন্দোলনৰ সমৰ্থন কৰাৰ বাবে পৰ্যাপ্ত একো কৰা নাই ৷
অষ্ট্ৰেলিয়াৰ টেষ্ট আৰু এদিনীয়া শৃংখলাৰ সহ অধিনায়ক কামিনছে বিশ্বজুৰি বৰ্ণ বৈষম্যবাদক সম্বোধন কৰাৰ বাবে এই পদক্ষেপক এক উচিত পদক্ষেপ বুলি মন্তব্য কৰে ৷ চলিত বৰ্ষৰ আৰম্ভণিতে ৱেষ্ট ইণ্ডিজৰ মাইকেল হোল্ডিঙে ইংলেণ্ডৰ সৈতে হোৱা খেলৰ মাজতে ব্লেক লিভছ মেটাৰ আন্দোলনক সমৰ্থন নকৰাৰ বাবে অষ্ট্ৰেলিয়াক সমালোচনা কৰিছিল ৷
কামিনছে কয় যে, অষ্ট্ৰেলিয়ান খেলুৱৈসকলেও দেশৰ ইতিহাস জানিবলৈ প্ৰয়াস কৰিব ৷ অষ্ট্ৰেলিয়ান ক্ৰিকেটাৰসকলে আদিবাসী সংস্কৃতিৰ সৈতে জড়িত হ’বলৈ এই বেয়াৰফুট চাৰ্কলৰ পদক্ষেপ গ্ৰহণ কৰে ৷
লগতে পঢ়ক : এটিপি ফাইনেলছৰ প্ৰথম মেচত জয় সাব্যস্ত নাডালৰ
