বেডমিণ্টনত অঘটন ! খেলি থকা অৱস্থাত খেলুৱৈৰ মৃত্যু

খেলুৱৈজন দশম শ্ৰেণীৰ ছাত্ৰ ডেভিদ ৰাভাই

ওদালগুৰি,১৬ ফেব্ৰুৱাৰী: ওদালগুৰি টঙলা ইণ্ডোৰ ষ্টেডিয়ামত ১৫ ফেব্ৰুৱাৰীৰ পৰা তিনিদিনীয়াকৈ অনুষ্ঠিত হোৱা বেডমিণ্টন খেলত প্ৰথম দিনতে নিশা সংঘটিত হয় এক অঘটন। তথ্য অনুসৰি টঙলা বেডমিণ্টন এচ'চিয়েচনৰ দ্বাৰা আয়োজিত প্ৰাইজমানী বেডমিণ্টন প্ৰতিযোগীতাত টঙলা অৰুনোদই একাডেমিৰ দশম শ্ৰেণীৰ ছাত্ৰ ডেভিদ ৰাভাই খেলি থকা অৱস্থাতেই খেল পথাৰতে ঢলি পৰে ।

খেলুৱৈজনক ততাতৈয়াকৈ টঙলাৰ প্ৰাথমিক চিকিৎসালৈ লৈ যায় যদিও চিকিৎসকে মৃত বুলি ঘোষণা কৰে। VIDEOদশম শ্ৰেণীৰ ছাত্ৰ তথা প্ৰতিভাৱান খেলুৱৈৰ ডেভিদ ৰাভাৰ মৃত্যুত সমগ্ৰ টঙলা অঞ্চলত শোকৰ ছাঁ পৰিছে । টঙলা চিত্ৰনগৰ বাসিন্দা গুনেশ্বৰী ৰাভাৰ এক মাত্ৰ পুত্ৰ আছিল ডেভিদ ৰাভা ।