স্পৰ্টছ ডেস্ক, 26 ছেপ্টেম্বৰ : বুধবাৰে কোৰিয়া অ’পেনৰ কোৱাৰ্টাৰ ফাইনেলত প্ৰেৱশ কৰিলে ভাৰতীয় শ্বাটলাৰ পাৰুপল্লী কাশ্যপে ৷ মালয়েছিয়াৰ খেলুৱৈ লিও ডাৰেনক 21-17, 11-21, 21-12 ছেটত পৰাস্ত কৰি এই সফলতা অৰ্জন কৰিবলৈ সক্ষম হৈছে ভাৰতীয় খেলুৱৈগৰাকীয়ে ৷ পৰৱৰ্তী মেচত ডেনমাৰ্ক আৰু ইণ্ডোনেছিয়াৰ খেলুৱৈৰ মাজত অনুষ্ঠিত হ’বলগীয়া মেচৰ বিজয়ী খেলুৱৈৰ সৈতে মুখামুখি হ’ব ভাৰতীয় খেলুৱৈগৰাকী ৷ বুধবাৰে একক শাখাত জয় লাভ কৰা একমাত্ৰ ভাৰতীয় খেলুৱৈ হৈছে পাৰুপল্লী কাশ্যপ ৷
ইতিমধ্যে মহিলাৰ একক শাখাত পি.ভি সিন্ধু, ছায়না নেহৱাল আৰু পুৰুষ শাখাত বি চাই প্ৰণীত পৰাস্ত হৈ প্ৰতিযোগিতাৰ পৰা বাহিৰ হৈছে ৷
