বাক্সা,11 আগষ্টঃ সমগ্ৰ বিশ্বত কৰ'ণা মহামাৰীৰ কৰাল গ্ৰাসত পৰাত বৰ্তমানেও বহু লোক ঘৰতে আবদ্ধ হৈ থাকিবলগীয়া হোৱাৰ উপৰিও খাদ্য সংকটত পৰা পৰিলক্ষিত হৈছে । এই মহামাৰীৰ মাজতে কেন্দ্ৰীয় চৰকাৰৰ এটা সিদ্ধান্ত 'আত্মীয় নিৰ্ভৰশীল' ভাৰত । তেনে সময়তে বহু লোকে নিজৰ প্ৰতিভাৰ সদব্যৱহাৰ কৰা পৰিলক্ষিত হৈছে। সমান্তৰালকৈ এইখিনি সময়তে বাক্সা জিলাৰ তামুলপুৰ মহকুমাৰ মনোজ হাছদা নামৰ এজন যুৱকে লিখি উলিয়াইছে "চিবিল জোজো" নামৰ এটি চানতালী গীত ৷ কেৱল গীতটো লিখাই নহয় তেওঁ গীতটোত সুৰ দিয়াৰ লগতে গীতটোত নিজেই কন্ঠদান কৰিছে ৷ বৰ্তমান শিল্পী গৰাকী ব্যস্ত হৈ আছে গীতটোৰ ভিডিঅ' শ্বুটিঙত ৷ইতিমধ্যে মহকুমাটোৰ নাগ্ৰীজুলিৰ চাহ বাগিচাৰ বিভিন্ন ঠাইত গীতটোৰ বাবে দৃশ্যগ্ৰহণ কৰিছে ৷
মনোজ হাছদাই জানিবলৈ দিয়া অনুসৰি "চিবিল জোজো" মানে চানতালী ভাষাত তেতেলী টেঙা আৰু ছোৱালী বিলাকে তেতেলী টেঙা ভাল পোৱাৰ ওপৰত গীতটি ৰচনা কৰা হৈছে । হিৰহিৰি পিৰপিৰি প্ৰডাকচনৰ বেনাৰত নিৰ্মাণ কৰা "চিবিল জোজো" নামৰ ভিডিঅ' এলবামটি শীঘ্ৰেই ইউটিউবত মুক্তি দিয়া হ'ব বুলি জানিবলৈ দিয়ে শিল্পী গৰাকীয়ে ৷
লগতে পঢ়কঃ আহি আছে নাৱাজুদ্দিন ছিদ্দিকিৰ নতুন চিনেমা
