চিটাৰা ডেস্ক, ১৫ ফেব্ৰুৱাৰী: মুকলি হ'ল 'বোম্বে বেগমছ'ৰ ট্ৰেইলাৰ । সাম্প্ৰতিক সময়ত দেশত কিদৰে জীৱন সংগ্ৰাম চলায় পাঁচগৰাকী মহিলাই তেওঁলোকৰ ইচ্ছা, নৈতিকতা, ব্যক্তিগত সমস্যাৰ মাজেৰে কিদৰে লক্ষ্যত উপনীত হ'ব পাৰে তাৰ আধাৰতে নিৰ্মাণ কৰা হৈছে 'বোম্বে বেগমছ' ।
ট্ৰেইলাৰটোত সমাজৰ ভিন্ন শ্ৰেণীৰ পাঁচগৰাকী মহিলাৰ জীয়াই থকিবলৈ জীৱন সংগ্ৰাম কৰাৰ এক আভাস পোৱা গৈছে । মুম্বাইৰ পাঁচগৰাকী আধুনিক ভাৰতীয় মহিলাৰ কাহিনী । তেওঁলোকৰ উচ্চাকাংক্ষা, ক্ষমতা আৰু ভিন্ন সংগ্ৰামৰ বিষয়বোৰৰ ওপৰত নিৰ্মিত এই 'বোম্বে বেগমছ' ।
- " class="align-text-top noRightClick twitterSection" data="">
'লিপষ্টিক আন্দাৰ মাই বুৰ্খা' খ্যাত অলংকৃতা শ্ৰীবাস্তৱে পৰিচালনা কৰা এই ৱেব চিৰিজখনত পূজা ভাট, শ্বাহানা গোস্বামী, অম্ৰুতা সুভাষ আৰু ৰাহুল বসুৱে মুখ্য চৰিত্ৰত অভিনয় কৰিছে । সম্পূৰ্ণ নাটক ধৰ্মী এই 'বোম্বে বেগমছ' । এই ৱেব চিৰিজখনৰ জৰিয়তে অলংকৃতা শ্ৰীবাস্তৱে কৰ্ম সংস্থাপনৰ উদ্দেশ্যে মহিলাসকলে কিদৰে সংগ্ৰাম আৰু ত্যাগ কৰিবলগীয়া হয় তাকেই প্ৰতিফলিত কৰিব বিচাৰিছে বুলি কয় অলংকৃতাই ।
আন্তৰ্জাতিক মহিলা দিৱস উপলক্ষে ৮ মাৰ্চত নেটফ্লিক্সত মুক্তি লাভ কৰিব 'বোম্বে বেগমছ' ।
