দেওঘৰ : প্ৰধানমন্ত্ৰী নৰেন্দ্ৰ মোদীয়ে শুকুৰবাৰে বিহাৰৰ এক অনুষ্ঠানত অংশগ্ৰহণ কৰিছিল । তাৰ পৰা তেওঁ ঝাৰখণ্ডৰ দেওঘৰ বিমানবন্দৰত উপস্থিত হৈছিল । দেওঘৰৰ পৰা তেওঁ দিল্লীলৈ উৰা মৰাৰ কথা আছিল । কিন্তু কাৰিকৰী বিজুতিৰ বাবে দেওঘৰ বিমানবন্দৰতে বিমানখনত বহু সময় ধৰি আৱদ্ধ হৈ থাকে প্ৰধানমন্ত্ৰীগৰাকী । যাৰ বাবে তেওঁ দিল্লীলৈ ওভতোতে পলম হয় ।
জানিব পৰা মতে উৰণৰ পূৰ্বে নিয়মীয়া পৰীক্ষাৰ সময়তে বিমানখনত কিছু কাৰিকৰী সমস্যা ধৰা পৰে । যাৰ বাবে দেওঘৰ বিমানবন্দৰতে বিমানখন ৰখাই থোৱা হয় । অভিযন্তাৰ এটা বিশেষ দল সম্প্ৰতি বিমানখন পৰীক্ষা কৰাত ব্যস্ত হৈ আছে আৰু কাৰিকৰী সমস্যা সমাধানৰ চেষ্টা কৰি আছে । প্ৰধানমন্ত্ৰী মোদীয়ে দেওঘৰ বিমানবন্দৰত তেওঁৰ বিমানখন সাজু হোৱাৰ বাবে প্ৰায় ১ ঘণ্টা ধৰি অপেক্ষা কৰি থাকে । তেওঁৰ উপস্থিতিৰ পৰিপ্ৰেক্ষিতত বিমানবন্দৰত নিৰাপত্তা বৃদ্ধি কৰা হৈছে ।
प्रधानमंत्री नरेन्द्र मोदी के विमान में तकनीकी खराबी आ गई, जिसके कारण विमान को देवघर हवाई अड्डे पर ही रुकना पड़ा, जिससे उनकी दिल्ली वापसी में कुछ देरी हो गई। pic.twitter.com/46zvXaxe5R
— ANI_HindiNews (@AHindinews) November 15, 2024
বিহাৰৰ জামুইৰ পৰা দেওঘৰলৈ গৈছিল প্ৰধানমন্ত্ৰী
উল্লেখ্য যে প্ৰধানমন্ত্ৰী মোদীয়ে বিহাৰৰ জামুইত এক কাৰ্যসূচীত অংশগ্ৰহণ কৰিছিল । তাৰ পিছত তেওঁ দেওঘৰৰ পৰা দিল্লীলৈ ৰাওনা হোৱাৰ কথা আছিল । অৱশ্যে, বিমানখনত কাৰিকৰী বিজুতিৰ বাবে প্ৰধানমন্ত্ৰী প্ৰায় ১ ঘণ্টা ধৰি দেওঘৰ বিমানবন্দৰতে আৱদ্ধ হৈ থাকে । তেওঁ বিহাৰত এক ৰেলীত অংশগ্ৰহণ কৰে আৰু বীৰছা মুণ্ডাৰ ১৫০ সংখ্যক জন্ম জয়ন্তী উপলক্ষে আয়োজিত জনজাতীয় গৌৰৱ দিৱসৰ অনুষ্ঠানত উপস্থিত থাকে । সেই উপলক্ষে তেওঁ প্ৰায় ৬,৬৪০ কোটি টকাৰ প্ৰকল্পৰ আধাৰশিলাও স্থাপন কৰে ।
লগতে পঢ়ক :দেৱদূতৰ দৰে আহি প্ৰাণ ৰক্ষা কৰিলে 7 যাত্ৰীৰ: মুখ্যমন্ত্ৰীৰ পুৰস্কাৰ ১ লাখ
