নিউজ ডেস্ক, ২৩ মাৰ্চঃ সত্যজিত ৰায়ৰ দৰে এগৰাকী প্ৰখ্যাত চিত্ৰ নিৰ্মাতাৰ বাবে অস্কাৰ লাভ কৰাটো জীৱনযোৰা সাধনাতকৈ কম নহয় । চিত্ৰ নিৰ্মাতাগৰাকীয়ে নিজে প্ৰকাশ কৰা অনুসৰি,অস্কাৰ লাভ কৰাটো তেওঁৰ জীৱনৰ এটা ক্লাইমেক্স আছিল ।
কেটেৰেক্ট আৰু দীৰ্ঘদিনীয়া হৃদৰোগৰ পৰা ক্ৰমে সুস্থ হৈ উঠাৰ সময়তে তেওঁৰ বাবে আহিছিল এই সোণালী বাৰ্তা । বিশ্বপ লেফৰয় ৰোডস্থিত চিত্ৰ নিৰ্মাতাগৰাকীৰ বাসগৃহৰ সন্মুখত তেতিয়া মানুহেই মানুহ ঠাহ খাই পৰিছিল ।
এই বঁটা লাভ কৰা সময়তে ৰায়ে নিজৰ জীৱনৰ ৩১সংখ্যক কথাছবিখন নিৰ্মাণ কৰি আছিল,তেওঁৰ অনুভৱ জানিব বিচৰাত এয়া তেওঁৰ কেৰিয়াৰৰ এটা ক্লাইমেক্স বুলি মন্তব্য কৰিছিল ।
১৯৯২ চনৰ এক আলোচনাত ৰায়ে কৈছিল, হয়,"মই এনেকুৱা এটা অৱস্থাত উপনীত হৈছো য'ত বঁটাবোৰ মোৰ বাবে কম যেনেই লাগে । কিন্তু মই এইটো ভবাই নাছিলো । এয়া মোৰ কেৰিয়াৰৰ ক্লাইমেক্স হিচাপে আহিছে । কাৰণ এগৰাকী চিত্ৰ নিৰ্মাতাৰ বাবে অস্কাৰ হৈছে নবেল পুৰস্কাৰ । আপুনি জানে,মই বহুত সুখী হৈছো। ইয়াৰ পিচত আৰু একো থাকিব নোৱাৰে । মই ইয়াতকৈ সন্মানীয় আৰু কিবা পাম বুলি আশা কৰিব নোৱাৰো।"
ৰায়ে ১৯৮৭ চনত ফ্ৰান্সৰ ৰাষ্ট্ৰপতিৰ পৰা Legion d'honneur(Legion of Honour) বঁটাও লাভ কৰিছিল । চাৰ্লি চেপলিনৰ পিচতে সত্যজিত ৰায় হৈছে দ্বিতীয়গৰাকী ফিল্মৰ সৈতে জড়িত ব্যক্তি যাক অক্সফৰ্ড বিশ্ববিদ্যালয়ে সন্মানীয় ডক্টৰেট ডিগ্ৰী প্ৰদান কৰিছিল ।
ৰায় চেলুলয়ড বিশ্বৰ বিভিন্ন প্ৰান্তৰ ফিল্ম অধ্যয়ন বিভাগৰ অংশ। আন্তঃৰাষ্ট্ৰীয় বঁটাৰ উপৰিও এইগৰাকী মহান ব্যক্তিয়ে তেওঁৰ ৪৩ বছৰীয়া কথাছবি কেৰিয়াৰত ৩২ টা ৰাষ্ট্ৰীয় কথাছবি পুৰস্কাৰ লাভ কৰিছিল ।
তেওঁৰ কথাছবি নিৰ্মাণৰ শেষৰ ফালে কথা ছবিক লৈ সমালোচনা কৰিবলৈ আৰম্ভ কৰিছিল । তেওঁ ভাৰতীয় চিনেমাক সমালোচনা কৰি কৈছিল যে,আমাৰ দেশত কথাছবি সমালোচক আৰু সমালোচনা অতিশয় নিম্ন ।
