বাক্সা,29 ছেপ্টেম্বৰঃ বাক্সা জিলাৰ তামুলপুৰ মহকুমাত উপস্থিত হয় টিম ৰত্নাকৰ ৷ দেওবাৰে তামুলপুৰত প্ৰিয়ম ডাঞ্চ এণ্ড ড্ৰামাৰ উদ্যোগত টিম ৰত্নাকৰ উপস্থিত হোৱাৰ লগে লগেই ৰাইজে বড়ো নৃত্য, ৰাভা নৃত্য,শৰণীয়া নৃত্য প্ৰদৰ্শন কৰি উষ্ম আদৰণি জনাই টিম ৰত্নাকৰক ৷
বাক্সাত টিম ৰত্নাকৰ
ৰত্নাকৰৰ আকৰ্ষণৰ কেন্দ্ৰবিন্দু শিশু কন্ঠশিল্পী হৰ্ষিতা আৰু শিশু অভিনেত্ৰী আশ্ৰমিকাৰ উপস্থিতিয়েও আপ্লুত কৰে উপস্থিত সমূহ ৰাইজক ৷ অভিনেতা যতীন বৰাই তামুলপুৰবাসী ৰাইজক ৰঙিয়াৰ ছবিগৃহত গৈ ৰত্নাকৰ বোলছবি খন চাবৰ বাবে আহ্বান জনায় লগতে অভিনেতা গৰাকীয়ে জনাই যে,তামুলপুৰ মহকুমাতো এটা চিনেমা হল নিৰ্মাণৰ বাবে ব্যৱস্থা গ্ৰহণ কৰা হ'ব ৷
