চিটাৰা ডেস্ক, 17 জুলাই: অভিনেত্ৰী ৰিচা চাদ্ধাই পৰিয়ালবাদ,তাৰকাৰ বিশেষাধিকাৰ,বলীউডৰ পাৰিপাৰ্শ্বিকতা আৰু উদ্যোগটোৰ কিছুমান নিম্নগামী ট্ৰেণ্ডৰ বিৰুদ্ধে মন্তব্য কৰা কিছুমান বিতৰ্কমূলক পোষ্টক লৈ এটা ব্লগ শ্বেয়াৰ কৰে ৷
শেহতীয়াকৈ অভিনেত্ৰী গৰাকীয়ে টুইটাইযোগে এটা ব্লগ শ্বেয়াৰ কৰে,য'ত তেওঁ বলীউড উদ্যোগৰ ভিতৰছোৱাৰ বহু অন্ধকাৰ ঘটনাৰ বিষয়ে এক দীঘলীয়া লিখনী লিখে ৷
তেওঁ টুইটযোগে প্ৰকাশ কৰে,"বলীউড উদ্যোগৰ ভিৰতৰৰ আৰু বাহিৰৰ লোকৰ ক্ষেত্ৰত বিভাজন হয় নেকি ? মোৰ মতামত,হিন্দী বোলছবি উদ্যোগ আৰু ইয়াৰ সামগ্ৰিক পৰিৱেশ কেৱল দয়ালু আৰু নিৰ্দয়ী লোকৰ মাজত বিভাজিত ৷"
উদ্যোগটোৰ সঞ্চালন কেনেদৰে হয় সেই বিষয়ত ৰেখাপাত কৰি তেওঁ কয়,"মই মোৰ বংশৰ প্ৰথম লোক হিচাপে ইয়াত সংক্ষিপ্ত সময় ব্যয় কৰিছো ৷ মোৰ মতে, এই উদ্যোগে এটি খাদ্য শৃংখলৰ দৰে কাম কৰে ৷ কোনো লোক যেতিয়া হতাহত হয় তেতিয়াহে তেওঁলোকে জানিব পাৰে যে,তেওঁলোক ইয়াৰ পৰা দূৰলৈয়ো যাব পাৰে ৷"
নিজৰ ব্লগত অভিনেত্ৰী গৰাকীয়ে তেওঁৰ আৰু প্ৰয়াত অভিনেতা সুশান্ত সিং ৰাজপুতৰ কথাও উল্লেখ কৰে ৷ তেওঁ সুশান্তৰ লগত থকা পুৰণি স্মৃতি ৰোমন্থন কৰি কয়, "সুশান্ত আৰু মই এটা ভ্ৰাম্যমাণ গোটত আৰম্ভণিতে একেলগে কাম কৰিছিল ৷ মই পশ্চিম আন্ধেৰীত এটা 700 বৰ্গ ফুটৰ এপাৰ্টমেণ্টত দিল্লীৰ এগৰাকী বন্ধুৰ সৈতে একেলগে থাকিছিলো ৷ সুশান্তে মোক নিজৰ বাইকত লৈ গৈছিল অনুশীলনৰ বাবে ৷ যাৰ বাবে মই তেওঁৰ ওচৰত চিৰ কৃতজ্ঞ ৷"
তেওঁ নিজৰ ব্লগত বলীউডৰ এনে বহু বোলছবি নিৰ্মাতাৰ বিৰুদ্ধেও উল্লেখ কৰে,যিসকলে মহিলা অভনেত্ৰীসকলৰ পৰা সুবিধা ল'ব বিচাৰে ৷ পৰিচালকসকলক সংগ দিবলৈ অস্বীকাৰ কৰা অভিনেত্ৰী সকলে বহু সময়ত হাতলৈ অহা ছবিৰ সুযোগ হেৰুৱাবলগীয়া হয় বুলিও ব্লগযোগে উল্লেখ কৰে অভিনেত্ৰী গৰাকীয়ে ৷
লগতে পঢ়ক: জন্মদিন বিশেষঃ 'বুম'ৰ পৰা 'ভাৰত'লৈকে সহজ নাছিল কেটৰিণাৰ যাত্ৰা
