নিউজ ডেস্ক, 26 জুন: বলিউডত নিজৰ চমকপ্ৰদ প্ৰদৰ্শনেৰে সকলোৰে মন মোহিবলৈ সক্ষম হৈছে শ্বাহিদ কাপুৰ অভিনীত ছবি কবীৰ সিঙে ৷ মুক্তিৰ প্ৰথমটো সপ্তাহতে 100 কোটিৰ ক্লাৱত প্ৰৱেশ কৰিলে ছবিখনে ৷ মুক্তিৰ পঞ্চমটো দিনত 104 কোটি 90 লাখ টকা উপাৰ্জন কৰিবলৈ সক্ষম হৈছে ছবিখনে ৷ ছবি সমালোচক তৰণ আদৰ্শে নিজৰ টুইটাৰযোগে প্ৰকাশ কৰে এই কথা ৷
কবীৰ সিঙৰ মুখ্য চৰিত্ৰত অভিনয় কৰিছে শ্বাহিদ কাপুৰ আৰু কিয়াৰা আদৱানীয়ে ৷ ছবিখনত শ্বাহিদ কাপুৰে এজন ছাৰ্জনৰ চৰিত্ৰ ৰূপায়ণ কৰিছে ৷ বলিউডত য'ত হেভি বাজেটৰ ছবিসমূহে ভাল ফলাফল দেখুৱাবলৈ সক্ষম হোৱা নাই, ত'ত কম বাজেটৰ ছবি হৈয়ো মুক্তিৰ কেৱল পঞ্চমটো দিনত বলিউডৰ আনবোৰ ছবিৰ তুলনাত বক্স অফিচত অধিক সফলতা লাভ কৰিছে কবীৰ সিঙে ৷ ছবিখনত এজন ছাৰ্জনৰ চৰিত্ৰ ৰূপায়ণ কৰা শ্বাহিদ কাপুৰে তেওঁৰ বলিষ্ঠ অভিনয়ৰে সকলোৰে প্ৰশংসা বুটলিবলৈ সক্ষম হৈছে ৷
কবীৰ সিং ছাউথ ছুপাৰহিত অৰ্জুন ৰেড্ডীৰ ৰিমেক য'ত মুখ্য চৰিত্ৰত দক্ষিণৰ ছুপাৰষ্টাৰ বিজয় দেৱৰ কণ্ডাই অভিনয় কৰিছে ৷ ইয়াৰ বিপৰীতে কবীৰ সিং আৰু অৰ্জুন ৰেড্ডী দুয়োখন ছবিৰ পৰিচালনা সন্দীপ ৱাংগা ৰেড্ডীৰ ৷
