চিটাৰা ডেক্স,7 ছেপ্তেম্বৰঃ সূত্ৰই প্ৰকাশ কৰা অনুসৰি Narcotics Control Bureauৰ জেৰাত ভাতৃ শৌভিক চক্ৰৱৰ্তীৰ পৰা নিচাজাতীয় দ্ৰব্য সংগ্ৰহ কৰাৰ কথাত সন্মতি প্ৰদান কৰিছে অভিনেত্ৰী ৰিয়া চক্ৰৱৰ্তীয়ে ৷ উল্লেখ্য যে, দেওবাৰে প্ৰথমবাৰৰ বাবে Narcotics Control Bureauৰ কাৰ্যালয়ত উপস্থিত হৈছিল অভিনেত্ৰীগৰাকী ৷
NCBৰ বিষয়াৰ জেৰাত ৰিয়াই সুশান্ত সিং ৰাজপুতৰ বাবে নিচাজাতীয় দ্ৰব্য সংগ্ৰহ কৰাৰ অভিযোগ উত্থাপন কৰে ৷ সূত্ৰই প্ৰকাশ কৰা অনুসৰি 17 মাৰ্চত সুশান্তৰ বন্ধু চেমুৱেল মিৰাণ্ডাই জেইডৰ পৰা ড্ৰাগছ ক্ৰয় কৰাৰ বিষয়ে জ্ঞাত বুলিও জানিবলৈ দিয়ে ৰিয়াই ৷ ৰিয়াৰ স্বীকাৰোক্তি অনুসৰি ভাতৃ শৌভিক চক্ৰৱৰ্তীৰ সৈতে ড্ৰাগছ সৰবৰাহকাৰী জেইডৰ সৈতে সহযোগিতা আগবঢ়াইছিল ৰিয়াই ৷
ৰিয়া আৰু ভাতৃ শৌভিকৰ মাজৰ 15 মাৰ্চৰ কথোপকথখিনি সঁচা বুলিও স্বীকাৰ কৰিছে 28 বছৰীয়া অভিনেত্ৰীগৰাকীয়ে ৷ ৰিয়াই জনোৱা অনুসৰি তেখেতে নিজ ভাতৃৰ জৰিয়তে প্ৰয়াত অভিনেতা সুশান্ত সিং ৰাজপুতৰ বাবে নিচাজাতীয় সামগ্ৰী ক্ৰয় কৰিছিল ৷ ইয়াৰ উপৰিও শৌভিকে আটকাধীন ড্ৰাগছ সৰবৰাহকাৰী বছিতৰ পৰা ড্ৰাগছ ক্ৰয় কৰা সন্দৰ্ভটো অবগত আছিল ৰিয়া ৷
সোমবাৰে Narcotics Control Bureau কাৰ্যালয়ত পুনৰ উপস্থিত হ’ব অভিনেত্ৰী ৰিয়া চক্ৰৱৰ্তী ৷
শনিবাৰে NCBয়ে শৌভিক চক্ৰৱৰ্তীক ন্যায়িক জিম্মাত লৈ কয়, তেখেতে নিচাজাতীয় দ্ৰব্যৰ নেটৱৰ্ক জৰিয়তে বলিউডত প্ৰৱেশ কৰাৰ অনুপ্ৰেৰণা লাভ কৰিছিল ৷ শৌভিকৰ উপৰিও NCBয়ে চেমুৱেল মিৰাণ্ডা, কাইজেন, জেইড বিলাট্ৰা আৰু পৰিহাৰক আটক কৰে ৷
লগতে পঢ়ক-ৰাজনীতিলৈ যোৱা শিল্পী সকলৰ বিষয়ে কি ক'লে জনপ্ৰিয় শিল্পী মৃদুল ভূঞাই ?
