নিউজ ডেক্স,21 আগষ্টঃ জন আব্ৰাহমৰ শেহতীয়াকৈ মুক্তিপ্ৰাপ্ত ছবি বাটলা হাউচে এসপ্তাহৰ ভিতৰত অৰ্জন কৰিলে 50 কোটিৰো অধিক টকা ৷ চলচ্চিত্ৰ সমালোচক তৰণ আদৰ্শই প্ৰকাশ কৰা অনুসৰি ,বৰ্তমানলৈকে চলচ্চিত্ৰখনৰ মুঠ অৰ্জন 57.82 কোটি টকা ৷ ছবিখনে বিশেষকৈ দিল্লী আৰু উত্তৰ প্ৰদেশৰ বিভিন্ন অংশত ভাল সঁহাৰি লাভ কৰিবলৈ সক্ষম হৈছে ৷ নিখিল আদৱানীৰ প্ৰযোজিত এই ছবিখন 2008 চনৰ 19 ছেপ্তেম্বৰত বাটলা হাউচত সংঘটিত হোৱা এনকাউন্টাৰটোৰ পৰাই অনুপ্ৰাণিত ৷ অৰ্থাৎ অপাৰেচন বাটলা হাউচক কেন্দ্ৰ কৰিয়েই নিৰ্মিত হৈছে এই বিশেষ থ্ৰিলাৰ ছবিখন ৷
