কামৰূপ মেট্ৰ'পলিটান,10 অক্টোবৰঃ শুকুৰবাৰে মুক্তি পাব যতীন বৰাৰ বহু চৰ্চিত ছবি ৰত্নাকৰ ৷ আজি অনুষ্ঠিত হ'ব ছবিখনৰ প্ৰিমিয়াৰ শ্ব' ৷ অসমৰ ইমূৰৰ পৰা সিমূৰলৈ সফলভাৱে ছবিখন প্ৰচাৰ চলোৱাৰ পিছত বৃহস্পতিবাৰে টীম ৰত্নাকৰ উপস্থিত হয় মা-কামাখ্যা ধামত ৷ ছবিখন মুক্তিৰ পূৰ্বে মা-কামাখ্যা ধামত উপস্থিত হৈ মাৰ আশীষ লয় অভিনেতা যতীন বৰা, অভিনেত্ৰী নিশিতা গোস্বামী, বৰষা ৰাণী বিষয়াকে ধৰি ছবিখনৰ কলা-কুশলীসকলে ৷ ইফালে কামাখ্যা ধামৰ চৌহদৰ পৰা চানমাৰীলৈকে এক ৰেলী উলিয়াই টীম ৰত্নাকৰে ৷ এই ৰেলীত ছবিখনৰ অভিনেতা-অভিনেত্ৰীৰ সৈতে সংগ দিয়ে বিভিন্নজন অনুৰাগীয়ে ৷
মা-কামাখ্যা ধামত টীম ৰত্নাকৰ
