চিটাৰা ডেস্ক, 19 ফ্ৰেব্ৰুৱাৰী : যুগ্ম জীৱনৰ বান্ধোনত বান্ধ খালে বিক্ৰান্ত মেছি আৰু শীতল ঠাকুৰ (Vikrant Massey Sheetal Thakur Wedding) ৷ শুকুৰবাৰে হিমাচল প্ৰদেশত সামাজিক প্ৰথাৰে বিয়াত বহিল প্ৰেমিকযুগল ৷
বিক্ৰান্ত আৰু শীতল সাত বছৰ ধৰি প্ৰেমৰ সম্পৰ্কত বান্ধ খাই আছিল ৷ অতিকে জনপ্ৰিয় ৱেব চিৰিজ ব্ৰ’কেন বাট বিউটিফুলৰ প্ৰথমটো চিজনত দুয়োয়ে প্ৰথমবাৰৰ বাবে একেলগে অভিনয় কৰিছিল ৷
বিয়াৰ দিনা বগা ৰঙৰ শ্বেৰৱানীত দেখা গ’ল বিক্ৰান্তক ৷ আনহাতে শীতলে পৰিধান কৰিলে ৰঙা ৰঙৰ লেহেংগা ৷ ক’ভিড মহামাৰীৰ কাৰণে তেওঁলোকৰ বিয়া পিছুৱাই থকা হৈছিলে ৷
- " class="align-text-top noRightClick twitterSection" data="
">
সৰু সৰু চৰিত্ৰৰে বলীউডত ভূমূকি মৰা বিক্ৰান্ত এতিয়া সকলোৰে পৰিচিত ৷ বিগত দুবছৰত কেইবাখনো হিট ছবিত অভিনয় কৰি দৰ্শকৰ আপোন হৈ পৰিল বিক্ৰান্ত মেছি ৷ নিভাজ অভিনয়েৰে সহজেই খোপনি পুতিছে অভিনয় জগতত এইজন অভিনেতাই ৷
