ছিটাৰা, ২৯ আগষ্ট: ৰিয়া চক্ৰৱৰ্তীৰ বিৰুদ্ধে ড্ৰাগছ সৰবৰাহকাৰীৰে সম্পৰ্ক থকাৰ অভিযোগ উত্থাপিত হৈ থকাৰ সময়তে সুশান্ত ৰাজপুতৰ ভগ্নী শ্বেতা সিং কীৰ্তিয়ে শুক্ৰবাৰে যোৱা বছৰৰ কেইবাটাও হোৱাটছএপ মেছেজৰ স্ক্ৰীনশ্বট টুইটযোগে শ্বেয়াৰ কৰে । এই বাৰ্তালাপত ৰিয়া আৰু তেওঁৰ ভাতৃ শৌভিকে 'DOOBIE' বিচৰা দেখা গৈছে । 'DOOBIE' হৈছে ভাঙেৰে তৈয়াৰ কৰা চিগাৰেট ।
আন এক বাৰ্তালাপত ছেমুৱেল মিৰাণ্ডাই 'BLUEBERRY KUSH'ৰ ছবি প্ৰেৰণ কৰিছে । আনহাতে এটা স্ক্ৰীনশ্বটত সুশান্তৰ ফ্লেটমেট সিদ্ধাৰ্থ পিথানিয়ে সুশান্তে 'DOOBS' লাভ কৰিছেনে নাই, সেই কথা নিশ্চিত কৰা দেখা গৈছে ।
সুশান্তৰ ভগ্নী শ্বেতাই 'NIFW' নামৰ এটা হোৱাটছএপ গ্ৰুপৰ পৰা এই বাৰ্তালাপৰ স্ক্ৰীনশ্বট লৈ নিজৰ টুইটাৰ একাউণ্টত শ্বেয়াৰ কৰিছে ।
হোৱাটছএপ গ্ৰুপটোৰ সদস্যৰ তালিকাত থকা নামবোৰ ক্ৰমে আয়ুছ এছ এছ আৰ, আনন্দী এছ এছ আৰ, সিদ্ধাৰ্থ পিথানি এছ এছ আৰ, ৰিয়া আৰু অন্যান্য লোক ৷
এই বাৰ্তালাপসমূহত অধিকাংশ লোককে তেওঁলোকৰ নামৰ জৰিয়তে চিনাক্ত কৰিব পৰা যায় । যোৱা বছৰৰ ৩০ জুলাইৰ এক বাৰ্তালাপত সুশান্তৰ প্ৰেমিকা ৰিয়াই আন সদস্যক 'DOOBIE'ৰ সম্বন্ধে নিৰ্দেশ দিয়া দেখা গৈছে । সেইবাবে যিজনে এই বাৰ্তালাপৰ স্ক্ৰীনশ্বট লৈছে তেওঁক বিচাৰি উলিওৱাতো যথেষ্ট প্ৰয়োজন হৈ পৰিছে ।
বাৰ্তালাপত এজনে উত্তৰ দিছে ৰিয়াই বিচাৰি থকা বস্তুটো পোৱা গৈছে আৰু ৰিয়াক দিবলৈ প্ৰয়াস কৰি থকা হৈছে । এইবোৰৰ মাজতে সিদ্ধাৰ্থে সুশান্তক "মিৰাণ্ডা ইয়াতে আছে" বুলি কটাক্ষ কৰা দেখা গৈছে । হোৱাটছএপ গ্ৰুপটোৰ বাৰ্তালাপৰ স্ক্ৰীনশ্বট শ্বেতাই শ্বেয়াৰ কৰাৰ পিছতে সমগ্ৰ ঘটনাই অন্য এক মোৰ লৈছে ।
লগতে পঢ়ক : 'BLACK PANTHER'ৰ অভিনেতা ছাডৱিক ব'ছমেনৰ অকাল বিয়োগ
