মুক্তি পালে দিল বেচাৰাৰ দ্বিতীয়টো গীত

মুক্তি পালে জনপ্ৰিয় অভিনেতা সুশান্ত সিং ৰাজপুতৰ অন্তিমখন ছবি দিল বেচাৰাৰ দ্বিতীয়টো গীত তাৰে গিন ৷ এ.আৰ.ৰহমানে সংগীত পৰিচালনা কৰা গীতটি মুক্তিৰ পিছত যথেষ্ট সঁহাৰি লাভ কৰিছে দৰ্শকৰ পৰা ৷

চিটাৰা ডেস্ক,15 জুলাইঃ বিগত কেইদিনত মুক্তি লাভ কৰিছিল অভিনেতা সুশান্ত সিং ৰাজপুতৰ অন্তিমখন ছবি দিল বেচাৰাৰ ট্ৰেইলাৰ আৰু প্ৰথমটো গীত ৷ দুয়োটাই মানুহৰ যথেষ্ট সমাদৰ লাভ কৰিছিল ৷ ট্ৰেইলাৰটোৱে আকৌ হলীউডৰ ছবিৰ ৰেকৰ্ডৰ ভাঙিবলৈও সক্ষম হৈছিল ৷

• " class="align-text-top noRightClick twitterSection" data="">

বুধবাৰে মুক্তি পালে সুশান্তৰ অন্তিম ছবিখনৰ দ্বিতীয়টো গীত ৷মোহিত চৌহান শ্ৰেয়া ঘোষালে কন্ঠদান কৰা তাৰে গিন নামৰ গীতটিৰ সংগীত পৰিচালনা কৰিছে এ.আৰ.ৰহমানে ৷

মঙলবাৰে অভিনেতা সুশান্ত সিঙৰ মৃত্যুৰ এটা মাহ সম্পূৰ্ণ হয় ৷ বৰ্তমান তাৰে গিন নামৰ সুশান্তৰ এই গীতটোৱে যথেষ্ট আৱেগিক কৰি তুলিছে দৰ্শকসকলক ৷

উল্লেখ্য যে, দৰ্শকৰ বহু প্ৰত্যাশিত ছবিখন অহা 24 জুলাই তাৰিখে মুক্তি লাভ কৰিব অ'টিটি প্লেটফৰ্মত ৷

লগতে পঢ়কঃমাস্ক,ফেচ ছিল্ড পিন্ধি স্ক্ৰীণত ওলাল টেলিভিছনৰ তাৰকা