চিটাৰা ডেস্ক, 13 ছেপ্তেম্বৰ : আজি মুকলি হ'ল চানী কৌশল আৰু ৰাধিকা মদান অভিনীত ছবি ‘Shiddat’ ৰ ট্ৰেইলাৰ ৷ চানী আৰু ৰাধিকাৰ উপৰিও ছবিখনত অভিনয় কৰিছে ডাইনা পেণ্টী আৰু মোহিত ৰাইনাই ৷ ছবিখনৰ অভিনেতাসকলে নিজ নিজ সামাজিক মাধ্যমৰ জৰিয়তে শ্বেয়াৰ কৰিছে ছবিখনৰ ট্ৰেইলাৰ ৷
ছবিখনৰ ট্ৰেইলাৰত ৰাধিকা আৰু চানীক ৰোমাঞ্চ কৰা দেখিবলৈ পোৱা গৈছে ৷ ট্ৰেইলাৰত দেখুওৱা অনুসৰি দুয়ো পেৰিছত এজনে আনজনক লগ পায় আৰু প্ৰেমত পৰে ৷ কিন্তু নিয়তৰ আছিল অন্য পৰিকল্পনা ৷ ৰাধিকাৰ বিয়া আন কাৰোবাৰ সৈতে ঠিক হৈ আছিল ৷ ছবিখনত মোহিত আৰু ডায়নায়ো প্ৰেমিক যুগলৰ চৰিত্ৰত অভিনয় কৰিছে ৷ তেওঁলোকৰ প্ৰেম কাহিনী বিভিন্ন প্ৰত্যাহ্বানৰ সন্মুখীন হোৱা দেখুওৱা হৈছে ট্ৰেইলাৰটোত ৷
ছবিখনৰ শ্বুটিং পঞ্জাৱ, পেৰিচ আৰু লণ্ডনত সম্পূৰ্ণ কৰা হৈছে ৷ ছবিখন পৰিচালনা কৰিছে কুনাল দেশমুখে ৷ ছবিখন কাহিনীভাগ শ্ৰীধৰ ৰাঘৱন আৰু ধীৰাজ ৰাট্টনৰ ৷
1 অক্টোৱৰত Disney+Hotstar ত মুক্তিলাভ কৰিব ছবিখনে ৷ ৰাধিকাক ইয়াৰ পূৰ্বেও পটাখা, মৰ্দ কো দৰ্দ নহী হোতা, ইংলিছ মিডিয়াম আদি ছবিত দেখা পোৱা গৈছে ৷ ইয়াৰ বিপৰীতে অভিনেতা বিকী কৌশলে এই ছবিখনৰ জৰিয়তে বলীউডত খোজ পেলাবলৈ প্ৰস্তুত ৷
ট্ৰেইলাৰটো চাবলৈ তলত ক্লিক কৰক-
লগতে পঢ়ক : Into The Wild With Bear Grylls ত দেখা যাব অজয় দেৱগণক
