চিটাৰা ডেস্ক,23 জুনঃ ডিজিটেল প্লেটফৰ্মত মুক্তি পাব প্ৰকাশ ঝাৰ আগন্তুক ছবি 'পৰীক্ষাঃদ্য ফাইনেল টেষ্ট' ৷ প্ৰকাশ ঝায়ে জনোৱা মতে, "এই ছবিখন বাস্তৱ ঘটনাৰ দ্বাৰা প্ৰেৰিত ৷ শ্ৰী অভয়ানন্দ এগৰাকী আই.পি.এচ আৰু শিক্ষাবিদ ৷ যি বিহাৰৰ নক্সালবাদৰ দ্বাৰা প্ৰভাৱিত অঞ্চল সমূহত কাম কৰোঁতে গাঁৱৰ ল'ৰা-ছোৱালীৰ সংস্পৰ্শলৈ আহিছিল ৷ এই ল'ৰা-ছোৱালী খিনি যথেষ্ট প্ৰতিভাশালী আছিল ৷ তেওঁ আই আই টি পৰীক্ষাত উত্তীৰ্ণ হ'বৰ বাবে সেই ল'ৰা-ছোৱালীখিনিক শিক্ষা দিছিল ৷ তেওঁৰ সফলতাই বিহাৰৰ অপৰাধ প্ৰৱণ অঞ্চলসমূহত যথেষ্ট ভাল প্ৰভাৱ পেলাইছিল ৷ "
এই বিশেষ ছবিখন ডিজিটেল প্লেটফৰ্ম Zee5ত মুক্তি পাব ৷ ছবিখনক লৈ প্ৰকাশ ঝাই কয়," এই কাহিনীটো জনাবৰ বাবে মোৰ তীব্ৰ ইচ্ছা জাগিছে আৰু মোৰ এনেভাৱ হৈছে ডিজিটেল প্লেটফৰ্মে বিষয়টোক এক সঠিক মাত্ৰা দিব ৷"
এইখিনিতে জনাই থওঁ, 'পৰীক্ষাঃদ্য ফাইনেল টেষ্ট' ছবিখনত প্ৰিয়ংকা বৌস,আদিল হুছেইন ,সঞ্জয় সুৰী আৰু শিশু কলাকাৰ শুভম ঝাই অভিনয় কৰিছে ৷
