চিটাৰা ডেস্ক, 31 জানুৱাৰী: মহিলাৰ পোছাক পিন্ধি ঘূৰি ফুৰিছে নৱাজুদ্দিন ছিদ্দিকী (Nawazuddin in Woman Attire) ৷ ভালকৈ মন নকৰিলে ধৰিবই নোৱাৰাকৈ নিজক ৰেডি কৰিছে অভিনেতাজনে ৷ পিছে তেওঁৰ এই সাজৰ ফটো এখন সামাজিক মাধ্যমত ভাইৰেল হৈ পৰিছে ৷ সকলো অবাক ! ক’লৈ কি কৰিবলৈ গৈছে নৱাজুদ্দিন এই সাজেৰে ?
‘নামেই যাৰ পৰিচয়’ এই আপ্ত বাক্যশাৰী বাৰুকৈয়ে খাপ খাই নৱাজুদ্দিন ছিদ্দিকীৰ ক্ষেত্ৰত ৷ নিজৰ সাৱলীল অভিনয়েৰে দৰ্শকৰ অন্তৰত দকৈ সাঁচ বহাবলৈ সক্ষম হোৱা এইগৰাকী অভিনেতা মহিলাৰ পোছাক পৰিধান কৰি বৰ্তমান চৰ্চাত আছে ( Nawazuddin Siddiqui in woman get up) ৷
নানা ধৰণৰ বিতৰ্কিত মন্তব্যৰে বাতৰিৰ শীৰ্ষত থকা কংগনা ৰানাৱটে শ্বেয়াৰ কৰিছে নৱাজুদ্দিন ছিদ্দিকীৰ মহিলা সাজৰ ফটোখন ৷ দৰাচলতে ছাই কবিৰৰ নিৰ্দেশনা তথা কংগনা ৰানাৱটৰ প্ৰডাকচন হাউচৰ বেনাৰত আহিবলগীয়া ছবি টিকু ৱেডছ শ্বেৰু ৰ বাবে এই সাজত ওলাইছে বলীউডৰ জনপ্ৰিয় অভিনেতাগৰাকী ৷ ছবিখনত শ্বেৰুৰ চৰিত্ৰটো ৰূপায়ন কৰিছে নৱাজুদ্দিনে ৷
দেওবাৰে কংগনাই ইন্ষ্টাগ্ৰাম ষ্টোৰীত শ্বেয়াৰ কৰে মহিলাৰ সাজত থকা নৱাজুদ্দিনৰ এখন ফটো ( Nawazuddin Siddiqui dressed as woman) ৷ ষ্টোৰীটোত কংগনাই অভিনেতাজনক টেগ নকৰাহেঁতেন তেওঁক চিনি পাবলৈ নিশ্চয়কৈ অসুবিধা হ’লহেতেন ৷
উল্লেখ্য যে, আমাজন প্ৰাইমত মুক্তি হ’বলগীয়া টিকু ৱেডছ শ্বেৰুত মুখ্য চৰিত্ৰত অভিনয় কৰি অভনীত কৌৰে বলীউডত আত্মপ্ৰকাশ কৰিব ৷
লগতে পঢ়ক: Salman Received Prestigious Award: চৌদি আৰৱত সন্মানিত হ’ল ছলমান খান
