চিটাৰা ডেস্ক, 3 ফ্ৰেব্ৰুৱাৰী: ভাৰতীয় ক্ৰিকেটৰ আটাইতকৈ সফল কেপ্তেইন হিচাপে পৰিগণিত হোৱা মহেন্দ্ৰ সিং ধোনী 2007 ৰ পৰা 2017 লৈ কেপ্তেইন হিচাপে দায়িত্বত আছিল ৷ 2004 চনৰ 23 ডিচেম্বৰত ধোনিয়ে ওৱান ডে ইন্টাৰনেশ্যনেলৰে প্ৰথমবাৰলৈ ক্ৰিকেটৰ জগতখনত ভৰি থৈছিল ৷ সূদূৰ এটা সফল দীঘলীয়া যাত্ৰাৰ মূৰত ধোনিয়ে 2020 চনৰ 15 আগষ্টত ইন্টাৰনেশ্যনেল ক্ৰিকেটৰ পৰা অৱসৰ ঘোষণা কৰে ৷
বুধবাৰে প্ৰাক্তন ক্ৰিকেটাৰজনে নিজৰ ফেচবুক একাউণ্টত তেওঁ অভিনয় কৰা এখন পৌৰাণিক চাইন্স-ফিক্চন ৱেব-চিৰিজৰ পোষ্টাৰ অনুৰাগীৰ সৈতে শ্বেয়াৰ কৰে ৷ ‘অথৰ্ৱ’ নামৰ এই চিৰিজটোত ধোনীয়ে অথৰ্ৱ চৰিত্ৰটো ৰপায়ন কৰিছে (Dhoni in web series) ৷
"Happy to announce my new Avatar.....Atharva....," পোষ্টটোত এইদৰে কেপচন দিলে ধোনিয়ে ৷ নৱাগত লেখক ৰমেশ থামিলমণিৰ অপ্ৰকাশিত কিতাপ ‘অথৰ্ব: দ্য অৰিজিন’ ৰ আধাৰত নিৰ্মিত হৈছ ধোনী অভিনীত চিৰিজ খন ৷ 2019 ত ধোনী আৰু পত্নী সাক্ষীয়ে গঠন কৰা মেডিয়া কোম্পানী ধোনী এণ্টাৰটেইনমেণ্টৰ বেনাৰত নিৰ্মাণ হৈছে ‘অথৰ্ব: দ্য অৰিজিন’ ৷
লগতে পঢ়ক : Radhe Shyam Release Date: ঘোষণা হ’ল ৰাধে শ্যামৰ মুক্তিৰ তাৰিখ
