চিটাৰা ডেস্ক, 2 মাৰ্চ: বৰ্তমানলৈকে নাম স্থিৰ হোৱা নাই 2019 চনতে ঘোষণা কৰা লাভ ৰঞ্জনৰ ছবিখনৰ য’ত ৰণবীৰ কাপুৰ আৰু শ্ৰদ্ধা কাপুৰে অভিনয় কৰিছে (Ranbir Shraddha Film together) ৷ ক’ভিড মহামাৰীৰ বাবেই বহুবাৰ পিছুওৱা হৈছে ছবিখনৰ শ্বুটিঙৰ কাম ৷
বহু জল্পনা-কল্পনাৰ অন্তত ছবিখন 2023 বৰ্ষৰ আৰম্ভণিতে মুক্তি দিয়াৰ সিদ্ধান্ত গ্ৰহণ কৰা হৈছিল ৷ কিন্তু নিৰ্মাতাসকলে পুনৰ এটা নতুন তাৰিখত ছবিখন মুক্তি দিয়াৰ সিদ্ধান্ত গ্ৰহণ কৰিছে ৷ জানুৱাৰীত মুক্তি লাভ কৰিবলগীয়া ছবিখন এতিয়া মুক্তি পাব মাৰ্চত ৷
প্ৰাপ্ত বাতৰি অনুসৰি, নাম স্থিৰ নোহোৱা ছবিখন এখন ৰোমাণ্টিক কমেডি ছবি (Ranbir Shraddha first film together) ৷ জনপ্ৰিয় হিট ছবি প্যাৰ কা পাঞ্চনামা আৰু চনু কে তিতু কি চুইটীৰ দৰে ছবি উপহাৰ দিয়া লাভ ৰঞ্জনে নিৰ্মাণ কৰিছে ছবিখন ৷
লাভ ফিল্মছ ৰ অফিচিয়েল টুইটাৰ একাউণ্টে পোষ্ট কৰে ছবিখন সম্পৰ্কত নতুন বাতৰিটো ৷
- " class="align-text-top noRightClick twitterSection" data="
">
বৰ্তমানলৈকে নাম স্থিৰ নোহোৱা ছবিখন লাভ, ৰণবীৰ আৰু শ্ৰদ্ধাৰ একেলগে প্ৰথমটো প্ৰজেক্ট (Luv Ranjan next with Ranbir Shraddha) ৷ ছবিখনত ডিম্পল কাপাডিয়া আৰু প্ৰযোজক বনি কাপুৰে ৰণবীৰ কাপুৰৰ পিতৃ-মাতৃৰ ভূমিকাত অভিনয় কৰিছে ৷
লগতে পঢ়ক: বলীউডৰ এক্সন হিৰো টাইগাৰ শ্ৰফে পাৰ কৰিলে জীৱনৰ 32 টা বসন্ত
