গুৱাহাটী, 29 জুলাইঃ জীৱনৰ কঠোৰতম লক্ষ্যত উপনীত হ’বলৈ অপৰিহাৰ্য ধৈৰ্য আৰু মানসিক উদ্যম । এই প্ৰবল মানসিকতাৰে পুনৰ মায়ানগৰীত জিলিকিছে এগৰাকী অসম সন্তান।
পুনৰ বলিউডত জিলিকিল অসম সন্তান
শীঘ্ৰে বলিউডৰ ছবিত দেখা পাব অসম সন্তান জয় সিং ৰাজপুতক । 2 আগষ্টত মুক্তি পাবলগীয়া 'Jabariya Jodi' নামৰ ছবি খনত দেখা যাব জয় সিং ৰাজপুতক । ইতিমধ্যে সম্পূৰ্ণ হৈ উঠিছে ছবি খনৰ কাম ৷ গুৱাহাটীৰ বাসিন্দা জয়ে অভিনয় কৰিছে বলিউডৰ জনপ্ৰিয় অভিনেত্ৰী পৰিণীতি চোপ্ৰা আৰু সিদ্ধাৰ্থ মালহোত্ৰাৰ সৈতে । একশ্যন, ৰোমাঞ্চৰে পৰিপূৰ্ণ ছবিখনৰ পৰিচালনা প্ৰশান্ত সিং আৰু প্ৰযোজনা একতা কাপোৰৰ । ইয়াৰ পূৰ্বে জয় সিং ৰাজপুতে কেবাখনো বলিউডৰ ছবিত অভিনয় কৰিছে । অসম সন্তান গৰাকীৰ বলিউডৰ এই জয়যাত্ৰালৈ ইটিভি ভাৰতৰ তৰফৰ পৰা থাকিল অলেখ শুভকামনা ৷
