ৰিয়া যদি সঁচা হয় লুকা-ভাকু খেলা বন্ধ কৰিব লাগেঃ বিহাৰৰ ডিজিপি

সুশান্তৰ আত্মহত্যা সন্দৰ্ভত বিহাৰ আৰক্ষীৰ মহাপৰিদৰ্শক গুপ্তেশ্বৰ পাণ্ডেই কয় যে, যদি ৰিয়া চক্ৰৱৰ্তীয়ে নিজকে দোষী বুলি মানিব বিচৰা নাই, তেতিয়াহ'লে তেওঁ আৰক্ষীৰ সৈতে লুকা-ভাকু খেলা বন্ধ কৰি আৰক্ষীৰ ওচৰত নিজৰ বিবৃত্তি প্ৰদান কৰিব লাগে ৷

চিটাৰা ডেস্ক,2আগষ্টঃ সুশান্তৰ আত্মহত্যা সন্দৰ্ভত শেহতীয়াকৈ সংবাদ মাধ্যমৰ আগত বিহাৰ আৰক্ষীৰ মহাপৰিদৰ্শক গুপ্তেশ্বৰ পাণ্ডেই নিজৰ মন্তব্য প্ৰদান কৰে ৷ বিহাৰ আৰক্ষীৰ মহাপৰিদৰ্শক (ডিজিপি) গৰাকীৰ মতে,"যদি ৰিয়া চক্ৰৱৰ্তীয়ে নিজকে দোষী বুলি মানিব বিচৰা নাই, তেতিয়াহ'লে তেওঁ সন্মুখলৈ আহিব লাগে ৷ এই লুকা-ভাকু খেলখন কিয় খেলিছে ৷ যদি আপুনি একো কৰাই নাই তেন্তে কি কথাত ভয় খাইছে ৷"

"সন্মুখলৈ আহক, লাগিলে মুম্বাই পুলিচেই অনুসন্ধান কৰক, লাগিলে বিহাৰ পুলিচেই অনুসন্ধান কৰক, লাগিলে চি.বি.আই নিৰীক্ষণ চলাওক ৷ আপুনি সন্মুখলৈ আহক যদি আপুনি একো কৰা নাই ৷"

লগতে কয় যে,"আমি প্ৰমাণ গোটাই আছো আৰু যিদিনা সকলো কথা পৰিস্কাৰ হ'ব সেইদিনা অপৰাধীক পৃথিৱীৰ য'ত থাকিলেও, মাটি খান্দি হ'লেও উলিয়াই আনিম ৷"

লগতে পঢ়কঃকন্যা সন্তানৰ পিতৃ হ'ল অভিনেতা আফতাব শিভদাচানী