চিটাৰা ডেস্ক, 20 জুলাই : বিগ বি অমিতাভ বচ্চনে দেওবাৰে তেওঁৰ পিতৃ হৰিবংশ ৰায় বচ্চনৰ স্ব-ৰচিত এটি কবিতা স্বাস্থ্য কৰ্মীসকলৰ নামত সমৰ্পন কৰে, যিসকলে ৰোগীসকলক সুৰক্ষিত কৰি ৰাখিবলৈ অহৰহ প্ৰয়াস কৰি আছে ৷
77 বৰ্ষীয় মেগাষ্টাৰ গৰাকীয়ে তেওঁৰ ছ'চিয়েল মিডিয়া একাউণ্টযোগে সদৰি কৰে যে, "বাবুজীৰ মন্তব্য...তেওঁলোকৰ বাবে, যিসকলে আমাক ৰক্ষা কৰাৰ হেতু অক্লান্ত পৰিশ্ৰম আৰু নিঃস্বাৰ্থভাৱে কৰ্ম কৰি আছে" ৷
তেওঁ কয় যে, "I am standing with them, who keep their spine straight, who can never let down their right to justice, even if they are single, or among a crowd of many, I am standing with them who keep their spine straight."
উক্ত কবিতাৰ মাধ্যমেৰে বিগ বিয়ে পেঞ্চিলেৰে অংকণ কৰা দুখন ক'লাজ স্কেটছো শ্বেয়াৰ কৰে ৷ প্ৰথমটো স্কেটছত এগৰাকী স্বাস্থ্য কৰ্মীয়ে মুখত মাস্ক পিন্ধি হাতত গোলাপ ফুল লৈ থকা আৰু দ্বিতীয়খন মুখত হাত থোৱা তেওঁৰ নিজৰ স্কেটছ শ্বেয়াৰ কৰে অভিনেতা গৰাকীয়ে ৷
উল্লেখ্য যে, ক'ভিড-19ত আক্ৰান্ত হোৱাৰ পাচত বিগ বি অমিতাভ বচ্চনসহ পুত্ৰ অভিনেতা অভিষেক বচ্চনো আইশ্ব'লেচনত আছে ৷ ইয়াৰ লগতে, বোৱাৰী অভিনেত্ৰী ঐশ্বৰ্য ৰায় বচ্চন আৰু নাতিনী আৰাধ্যা বচ্চনকো ক'ভিড-19ৰ সঠিকৰূপে চিকিৎসা প্ৰদান কৰি থকা হৈছে ৷
লগতে পঢ়ক : ৰাজস্থান ৰাজনৈতিক বিবাদ : উচ্চ ন্যায়ালয়ত পাইলটৰ গোচৰৰ শুনানি আৰম্ভ
