চিটাৰা ডেস্ক, ১ ছেপ্টেম্বৰ: আকৰ্ষণীয় পোষ্টেৰে চ'ছিয়েল মিডিয়াত অনুৰাগীৰ মনত সাঁচ বহুওৱা বলীউডৰ প্ৰবীন অভিনেতা অনুপম খেৰৰ ইনষ্টাগ্ৰাম পোষ্টে পুনৰ খলকনি তুলিছে অনুৰাগীৰ মাজত । কৰ'ণা মহামাৰীৰ সংকটৰ সময়ত কিদৰে সাৱধনতা অৱলম্বন কৰিব পাৰি, সেইবিষয়ে তেওঁ পোষ্টটোত উল্লেখ কৰিছে। ইনষ্টাগ্ৰাম পোষ্টযোগে সেউজীয়া ৰঙৰ চাৰ্জিকেল মাস্ক পৰিহিত নিজৰ এখন ফটো শ্বেয়াৰ কৰি তেওঁ লিখিছে, 'প্ৰতিখন মাস্কৰ আঁৰত সুৰক্ষিত হৈ থাকিবলৈ চেষ্টা কৰা একোজন ব্যক্তি থাকে ।' ফটোখনত তেওঁক ক'লা ৰঙৰ টি-ছাৰ্ট পিন্ধি মোবাইল ফোনত বাৰ্তালাপ কৰি থকা দেখা গৈছে । এই পোষ্টযোগে তেওঁ মাস্ক পিন্ধি নিজৰ ৰক্ষাৰ লগতে সমাজৰ আন লোককো সংক্ৰমিত কৰাৰ পৰা বিৰত থাকিব পাৰি সেই বিষয়ে সজাগতা সৃষ্টিৰ প্ৰয়াস কৰিছে প্ৰবীন অভিনেতাগৰাকীয়ে ।
- " class="align-text-top noRightClick twitterSection" data="View this post on Instagram
Behind every mask, there is a person trying to be safe. :) #WearMask #StaySafe #Lockdown
">
অভিনেতাগৰাকীৰ পোষ্টটোত প্ৰতিক্ৰিয়া প্ৰকাশ কৰি এগৰাকী অনুৰাগীয়ে লিখিছে যে, 'আপুনি বহুত ডাঙৰ কথা কৈ দিলে, মাস্কৰ গুৰুত্ব বুজি পোৱাসকলে আপোনাৰ আহ্বান বুজি পাব ।' আন এগৰাকী অনুৰাগীয়ে উল্লেখ কৰিছে যে প্ৰতিখন মাস্কৰ আঁৰত এগৰাকী ব্যক্তিয়ে আন এগৰাকীক সুৰক্ষিত কৰাৰ চেষ্টা কৰে । শেহতীয়াকৈ টুইটযোগে অনুপম খেৰে পৰৱৰ্তী ছবি 'সাৰংশ'ৰ দৃশ্যগ্ৰহণস্থলীৰ এটা ভিডিঅ' শ্বেয়াৰ কৰি পুনৰ কাম আৰম্ভ হোৱাত আনন্দিত বুলি উল্লেখ কৰিছে ।
লগতে পঢ়ক : বিশেষভাৱে সক্ষম শিশুৰ সৈতে সুশান্তৰ কিছু মধুৰ মুহূৰ্ত
