চিটাৰা ডেস্ক, ৪ জানুৱাৰী: COVID-১৯ৰ নতুন ষ্ট্ৰেইনৰ সংক্ৰমণৰ ভয়াৱহতা অব্যাহত থকাৰ পিছতো পূৰ্বে দিয়া প্ৰতিশ্ৰুতি পালনৰ বাবে লণ্ডনলৈ যাত্ৰা কৰিলে প্ৰবীণ অভিনেত্ৰী শ্বাবানা আজমীয়ে । এটা ৱেবলইডত প্ৰকাশ পোৱা মতে, ভাৰতলৈ ইংলেণ্ডৰ বিমান পৰিবহণ চৰকাৰে অস্থায়ীভাৱে নিষিদ্ধ কৰাৰ পিছত শ্বাবানা আজমীয়ে আন্তঃৰাষ্ট্ৰীয় প্ৰজেক্টটোৰ কাম স্থগিত কৰাৰ কথা বিবেচনা কৰিছিল । কিন্তু পিছত তেওঁ এই সমস্যাৰ সমাধান বিচাৰি উলিয়ালে । দিল্লীৰ পৰা ডুবাই হৈ লণ্ডনলৈ যাত্ৰা কৰিলে অভিনেত্ৰীগৰাকীয়ে ।
- " class="align-text-top noRightClick twitterSection" data="
">
- " class="align-text-top noRightClick twitterSection" data="
">
ইংলেণ্ডত আৰম্ভ হোৱা COVID-১৯ৰ নতুন ষ্ট্ৰেইনৰ সংক্ৰমণ বিমান যাত্ৰীৰ জৰিয়তে ভাৰতত বিয়পি পৰাত বাধা দিবলৈ ইংলেণ্ডৰ বিমান ভাৰতত অৱতৰণ কৰাত বাধা আৰোপ কৰা হৈছিল । ৱেবলইডৰ তৰফৰ পৰা লোৱা সাক্ষাৎকাৰত শ্বাবানাই কয় যে, বিমান পৰিবহণ বন্ধ হৈ থকাৰ বাবে তেওঁ আন্তঃৰাষ্ট্ৰীয় প্ৰজেক্টৰ কাম কৰিব নোৱাৰিব বুলি নিশ্চিত আছিল । অৱশেষত ডুবাইত এটা নিশাৰ বিৰতি লৈ তেওঁ লণ্ডনলৈ যাত্ৰা কৰে । দেওবাৰে নিশা তেওঁক 'কালি খুহি'ত দেখা পোৱা গৈছিল ।
লগতে পঢ়ক:'বধাই দো'ৰ দৃশ্যগ্ৰহণৰ আঁৰৰ ভিডিঅ' আৰু ফটো শ্বেয়াৰ কৰিলে ভূমি পেডনেকাৰে
