চাইবেৰাবাদ আৰক্ষীক অক্সিজেন কনচেণ্ট্ৰেটৰ প্ৰদান হৰ্ষবৰ্ধন ৰাণেৰ

চাইবেৰাবাদ আৰক্ষীক অক্সিজেন কনচেণ্ট্ৰেটৰ প্ৰদান কৰিছে অভিনেতা হৰ্ষবৰ্ধন ৰাণেই ৷ তেওঁ নিজৰ ৰয়েল এনফিল্ড কণ্টিনেণ্টেল জিটি বাইকখন বিক্ৰী কৰে, যাতে মানুহে ক’ভিডৰ সৈতে যুঁজ দিয়াত আৰ্থিকভাৱে সহায় লাভ কৰে ৷

চিটাৰা ডেস্ক,13 মে’: নিজৰ য়েল এনফিল্ড কণ্টিনেণ্টেল জিটি বাইক বিক্ৰী কৰি চাইবেৰাবাদ আৰক্ষীক অক্সিজেন কনচেনট্ৰেটৰ প্ৰদান কৰিছে বলীউডৰ অভিনেতা হৰ্ষবৰ্ধন ৰাণেই ৷

বুধবাৰে হৰ্ষবৰ্ধন ৰাণে চাৰ্ট অৱ ফাউণ্ডেশ্যনৰ পৰা স্বেচ্ছাসেৱক অভিলাষ ইলাপ্ৰলুৱে চাইবেৰাবাদ আৰক্ষী আয়ুক্ত ভিচি সজ্জনাৰক অক্সিজেন কনচেণ্ট্ৰেটৰ প্ৰদান কৰে । বিগত সপ্তাহত 37 বছৰীয়া অভিনেতাগৰাকীয়ে নিজৰ বাইকখন বিক্ৰী কৰি অক্সিজেন কনচেণ্ট্ৰেটৰ দান কৰিবলৈ পুঁজি সংগ্ৰহ কৰিছিল, ক’ভিডৰ সৈতে যুঁজি থকা লোকসকলে আৰ্থিকভাৱে সকাহ পায় ৷

দিন-ৰাতি একাকাৰ কৰি কাম কৰি থকা ফ্ৰণ্টলাইন শ্ৰমিকসকলক এই সাহায্য প্ৰদান কৰাৰ ইচ্ছা প্ৰকাশ কৰে অভিনেতা হৰ্ষবৰ্ধনে ৷ সজ্জনাৰ আৰু ছ’চাইটি ফৰ চাইবেৰাবাদ চিকিউৰিটি কাউঞ্চিল (এছচিএছচি)য়ে অভিনেতাগৰাকীৰ এই উদাৰতাক প্ৰশংসা কৰে ৷

এগৰাকী উৎসাহী বাইক আৰোহী হৰ্ষবৰ্ধনে চলিত মাহৰ আৰম্ভণিতে তেওঁৰ হালধীয়া ৰয়েল এনফিল্ড বাইকৰ ফটো ইনষ্টাগ্ৰামযোগে প’ষ্ট কৰিছিল আৰু লিখিছিল যে, তেওঁ ক’ভিডৰ বিৰুদ্ধে যুঁজ দিয়া দৰিদ্ৰ লোকসকলক সহায় কৰিবলৈ তেওঁৰ বাইকখন কেইটামান অক্সিজেন কনচেণ্ট্ৰেটৰৰ বিনিময়ত বিক্ৰী কৰিব বিচাৰে ৷

লগতে পঢ়ক : দেশবাসীৰ সংকটৰ সময়ত পুনৰবাৰ মহানুভৱতা বিগ বিৰ