নিউজ ডেস্ক, ২৯ জুনঃ অভিনেতা জাবেদ হায়দৰ, তেওঁ আছিল 1998 চনৰ আমিৰ খান আৰু ৰাণী মুখাৰ্জী অভিনীত হিট ছবি গোলামৰ এগৰাকী অন্যতম সহ অভিনেতা । তেওঁৰ জীনৱলৈ নামি আহিছে এক প্ৰত্যাহ্বান । অভিনেতা হ'লেও সম্প্ৰতি তেওঁ নিজৰ ক্ষুধা নিবাৰণৰ বাবে বাছি ল'বলগীয়া হৈছে পাচলিৰ ব্যৱসায় ।
এতিয়া বিশ্বৰ লাখ লাখ লোকৰ দৰে জাবেদৰ জীৱনলৈয়ো সংকট নমাই আনিছে কৰ’ণা মহামাৰীয়ে । মহামাৰীৰ ফলত তেওঁ আৰ্থিকভাৱে ইমানেই অসুবিধাৰ সন্মূখীন হৈছিল যিয়ে তেওঁক পথৰ দাঁতিত পাাচলি বিক্ৰী কৰিবলৈ বাধ্য কৰি দিলে ।
অভিনেতা গৰাকীৰ এই অৱস্থা তেতিয়াহে পোহৰলৈ আহে, যেতিয়া পূৰ্বৰ বিগ বচৰ প্ৰতিযোগী ডলী বিন্দ্ৰাই তেওঁ পথত পাচলি বিক্ৰী কৰি থকাৰ সময়ত এটা ভিডিঅ' বনায় । ভিডিঅ'টোত হায়দৰক এগৰাকী গ্ৰাহকক বিলাহী বিক্ৰী থকাৰ সময়ত 'দুনিয়া মে ৰেহনা হে' গীতটোত লিপ্ চিং কৰি থকা দেখা গৈছিল ।
তেওঁৰ ভিডিঅ'টো ভাইৰল হৈ পৰাৰ পিচতে বহু লোকৰ বহু মন্তব্য পোৱা গৈছিল । কোনোৱে যদি কৈছে, 'অন্ততঃ তেওঁ কষ্ট কৰিছে আৰু যুঁজিছে ', আ কোনোৱে আকৌ কৈছে 'এইয়া সঁচানে...হয়তো তেওঁ কোনো ভাল কামৰ সুযোগ পোৱা নাছিল নাইবা পৰিস্থিতি অনুকূল নাছিল । অন্ততঃ তেওঁ কিবা এটা কৰিছে আৰু আগুৱাই যোৱাৰ চেষ্টা কৰিছে ।
-
He is an actor aaj woh sabzi bech raha hain javed hyder pic.twitter.com/4Hk0ICr7Md
— Dolly Bindra (@DollyBindra) June 24, 2020 " class="align-text-top noRightClick twitterSection" data="
">He is an actor aaj woh sabzi bech raha hain javed hyder pic.twitter.com/4Hk0ICr7Md
— Dolly Bindra (@DollyBindra) June 24, 2020He is an actor aaj woh sabzi bech raha hain javed hyder pic.twitter.com/4Hk0ICr7Md
— Dolly Bindra (@DollyBindra) June 24, 2020
ইয়াৰ পূৰ্বেও আন এগৰাকী অভিনেত্ৰী শ্ব'লাংকীৰ ক্ষেত্ৰতো এনে অনুৰূপ ঘটনা দখিবলৈ পোৱা গৈছিল । যিগৰাকী অভিনেত্ৰী ড্ৰীম গাৰ্ল, সোণচিৰিয়া আদিৰ দৰে চিনেমাৰ অংশ আছিল, সেইগৰাকী অভিনেত্ৰীক দিল্লীৰ ৰাজপথত ফল বিক্ৰী কৰি থকা দেখা গৈছিল ।
উল্লেখ্য যে, গোলামৰ বাহিৰেও জাবেদে বাবাৰ (2009), লাইফ কী এইচি কী তেইচি (2017) আৰু টিভি চিৰিজ জেন্নী ঔৰ জুজু (2012)তো অভিনয় কৰিছিল ।
