নিউজ ডেস্ক, ১৫ ছেপ্টেম্বৰ: বহু ভাৰতীয় গ্ৰাহকে Appleৰ iPhone-13 ক্ৰয় কৰাৰ বাবে অধীৰ আগ্ৰহেৰে অপেক্ষা কৰি আছে । শেহতীয়াকৈ Apple-এ ঘোষণা কৰিছে iPhone-13ৰ মূল্য আৰু বিক্ৰীৰ তাৰিখ । ১৭ ছেপ্টেম্বৰৰ পৰা apple.com/in/store পৰা গ্ৰাহকে ক্ৰয় কৰিব পাৰিব iPhone-13 । ভাৰতীয় বজাৰত Appleৰ iPhone-13 প্ৰ'ৰ মূল্য ১,১৯,৯০০ টকা আৰু iPhone-13 প্ৰ' মেক্সৰ মূল্য ১,২৯,৯০০ টকা ।
অষ্ট্ৰেলিয়া, কানাডা, চীন, জাৰ্মানী, ভাৰত, জাপান, ইংলেণ্ড, আমেৰিকা যুক্তৰাষ্ট্ৰৰ লগতে ৩০ খনতকৈও অধিক দেশৰ গ্ৰাহকে ১৭ ছেপ্টেম্বৰ অৰ্থাৎ শুকুৰবাৰে পুৱা ৫ বজাৰ পৰা iPhone-13 প্ৰ' আৰু iPhone-13 প্ৰ' মেক্সৰ বাবে আগতীয়াকৈ অৰ্ডাৰ দিব পাৰিব । ২৪ ছেপ্টেম্বৰৰ পৰা ফোনবোৰ উপলব্ধ হ'ব । iPhone-13 প্ৰ' আৰু iPhone-13 প্ৰ' মেক্স গ্ৰেফাইট, সোণালী, ৰূপালী আৰু sierra blue ৰঙত উপলব্ধ হ'ব । Apple-এ iPhone-13 আৰু iPhone-13 মিনিৰ বিগত বৰ্ষৰ দৰে একেই মূল্য নিৰ্ধাৰণ কৰিছে ।
iPhone-13ৰ মূল্য ৭৯,৯০০ টকা আৰু iPhone-13 মিনিৰ মূল্য ৬৯,৯০০ টকা । শুকুৰবাৰৰ পৰা গ্ৰাহকে প্ৰি-অৰ্ডাৰ কৰিব পাৰিব । গুলপীয়া, নীলা, মিডনাইট, ষ্টাৰলাইট, আৰু (প্ৰডাক্ট)ৰেড এই পাঁচটা ৰঙত ফোনকেইটা উপলব্ধ হ'ব ।
নতুন iPhone-13 আৰু iPhone-13 মিনিত ডিচপ্লেই বেছি ঠাই আগুৰি আছে । Notchটো ২০ শতাংশ সৰু আৰু নতুন চুপাৰ ৰেটিনা এক্সডিআৰ ডিচপ্লে ১২০০ নিট পিক ব্ৰাইটনেছৰ সৈতে 28 শতাংশ উজ্জ্বল । iPhone-13ত ৬.১ ইঞ্চিৰ চুপাৰ ৰেটিনা এক্সডিআৰ ডিচপ্লে ব্যৱহাৰ কৰা হৈছে । ইয়াৰ উপৰিও, iPhone-13ত এটা নতুন A15 বায়োনিক চিপছেট(Bionic chipset) সংযুক্ত কৰা হৈছে, যিয়ে আগশাৰীৰ আন প্ৰতিদ্বন্দী চিপতকৈ ৫০ শতাংশ পৰ্যন্ত দ্ৰুত আৰু ৩০ শতাংশ পৰ্যন্ত উন্নত গ্ৰাফিকেল প্ৰদৰ্শনত সহায় কৰে বুলি Apple-এ প্ৰকাশ কৰিছে ।
লগতে পঢ়ক:বাহনৰ মূল্য 1.9 শতাংশলৈ বৃদ্ধিৰ সিদ্ধান্ত Maruti Suzuki India ৰ
