কামৰূপ, 10 জুন : গোৱালপাৰা জিলাৰ ধূপধৰাত সংঘটিত হয় এক অঘটন । প্ৰাতঃভ্ৰমণলৈ যোৱা এগৰাকী শিক্ষকৰ মৃতদেহ ৰেল লাইনত উদ্ধাৰ হয় । গোৱালপাৰা জিলাৰ ধূপধৰাৰ জাকজাৰত কামাখ্যা-যোগীঘোপা ৰেললাইনত উদ্ধাৰ হয় অৱসৰপ্ৰাপ্ত শিক্ষক খনিন্দ্ৰ দাসৰ মৃতদেহ ।
ৰেললাইনত উদ্ধাৰ শিক্ষকৰ মুণ্ডহীন মৃতদেহ
মুণ্ডহীন মৃতদেহটো ধূপধৰা আৰক্ষীয়ে উদ্ধাৰ কৰি প্ৰাথমিক তদন্তৰ পিছতে মৰনোত্তৰ পৰীক্ষাৰ বাবে গোৱালপাৰালৈ প্ৰেৰণ কৰিছে ৷ গোৱালপাৰা অভিমুখী মালবাহী ৰেলৰ খুণ্ডাত শিক্ষকগৰাকীৰ মৃত্যু হোৱা বুলি একাংশ লোকে সন্দেহ কৰিছে । শিক্ষকগৰাকীৰ এনে মৃত্যুই ধূপধৰাত গভীৰ শোকৰ ছাঁ পেলোৱাৰ লগতে চাঞ্চল্যৰ সৃষ্টি কৰিছে । দক্ষিণ কামৰূপৰ ছেখাদাৰী ডেকাপাৰা মজলীয়া বিদ্যালয়ৰ অৱসৰপ্ৰাপ্ত শিক্ষক আছিল নিহত খনিন্দ্ৰ দাস ।
লগতে পঢ়কঃ বকোত বিদ্যুৎস্পৃষ্ট হৈ এজনৰ মৃত্যু
