চিৰাং, 28 এপ্ৰিলঃ চিৰাঙত পুনৰ সংঘটিত হৈছে জঘন্য ঘটনা । চাৰি বছৰীয়া কন্যা শিশুক চকলেট দেখুৱাই ফুচুলাই লৈ ধৰ্ষণ ৰুনিখাতাৰ ৰঞ্জন নাৰ্জাৰী (৪৫) নামৰ পাষণ্ডৰ । প্ৰাপ্ত তথ্য অনুসৰি ৰুনিখাতা বজাৰৰ সমীপৰ এটা একাষৰীয়া স্থানতে কোনো নথকাৰ সুযোগত ধৰ্ষণ কৰে কন্যা শিশুটিক । তাৰ পিচতে কান্দি কান্দি ৰুনিখাতা বজাৰৰ মাজেৰে তেজেৰে লুতুৰি পুতুৰি তথা অসুস্থ অৱস্থাত আহি থকা দেখি বজাৰত থকা একাংশ লোকে সোধপোচ কৰাত পোহৰলৈ আহে সমগ্ৰ ঘটনা । লগে লগে স্থানীয় লোকে পাষণ্ডটোক ধৰি গতাই দিয়ে স্থানীয় আৰক্ষীক ।
ইতিমধ্যে অসুস্থ কন্যা গৰাকীক উন্নত চিকিৎসাৰ বাবে চিৰাং জিলা সদৰ কাজলগাঁৱলৈ প্ৰেৰণ কৰে ৰুনিখাতা আৰক্ষীয়ে । এই ঘটনাৰ তথ্য পোহৰলৈ অহাৰ লগে লগে আক্ৰাছুৰ লগতে গাঁৱবাসীয়ে ৰুনিখাতা থানা ঘেৰি লৈ প্ৰতিবাদ সাব্যস্ত কৰে ৷ দোষীক কঠোৰৰ পৰা কঠোৰতম শাস্তিৰ দাবী আক্ৰাছুৰ ৷
আৰু পঢ়কঃ কলিয়াবৰত ঠিকাদাৰৰ বিৰুদ্ধে চৰকাৰী পুঁজি লুণ্ঠনৰ অভিযোগ
